မြတ်စွာဘုရားအား ဆက်ကပ်ရန် ရည်စူးထားသော သစ်သီးဆွမ်းတို့ကို စားလျှင် မည်သည့်ကံ ထိုက်ပါသနည်း။
( မောင်ရွှေပြည်စိုး-ပန်းတနော် )
( ဖြေ )
လွန်ခဲ့သော ၉၂-ကမ္ဘာထက်၌ ပွင့်တော်မူသော ဖုဿမြတ်စွာဘုရား လက်ထက်က မြတ်စွာဘုရားအား ဆက်ကပ်ရန် စီမံထားသော ဆွမ်းဟင်း၊ သစ်သီးစသည်များကို ဦးဦးဖျားဖျား စားသောက်ကြသူများ သေပြီးသည့်နောက် ပြိတ္တာဖြစ်ကြရာ ဤကမ္ဘာအထိ မကျွတ်လွတ်ကြပေ။
ဂေါတမမြတ်စွာဘုရား လက်ထက်၌ ဗိမ္ဗိသာရမင်းကြီး ဆွမ်းလှူဒါန်း၍ အမျှဝေမှ ကျွတ်လွတ်ကြရကြောင်း တိရောကုဋ္ဋသုတ်၌ ပါရှိသည်။ ထို့ကြောင့် ဆွမ်းတော်တင်ရန် ရည်စူးထားသော ဆွမ်း၊ သစ်သီး စသည်တို့ကို ဦးဦးဖျားဖျား မစား မသောက်ရန် သတိပြကြရမည်၊ ဆွမ်းတော်စွန့်ပြီးမှ စားသောက်ကြလျှင် ဗုဒ္ဓဝေယျာဝစ္စ ပြုသူတို့အဖို့ အပြစ်မရှိပါ။