နောက်တစ်ခါ “သုပ္ပဗုဒ္ဓ” ဆိုတဲ့ လူတစ်ယောက်။
ဒီလူက အနာကြီးရောဂါသည်။
ဘုရားတရား နာလိုက် ရတဲ့အခါမှာ
“သောတာပန်” ဖြစ်သွားတယ်။
ထူးခြားတဲ့အသိဉာဏ်ရတဲ့ပုဂ္ဂိုလ်ဖြစ်တယ်။

သို့သော် …တစ်ကိုယ်လုံး အဖုအပိမ့်တွေနဲ့
အနာကြီးရောဂါ စွဲကပ်ပြီးနေတာ။
ဘာဖြစ်လို့ ဒီလို အနာကြီးရောဂါ စွဲကပ်ရတုန်း။
ခုခေတ်လို ပြောမယ်ဆိုလို့ရှိရင်
“အနာကြီးရောဂါ မျိုးရိုးပါတာ”လို့
ပြောချင်ပြောကြမှာပေါ့။

ဒါပေမယ့် ဘာဖြစ်လို့ အနာကြီးရောဂါ
စွဲကပ်ရသလဲဆိုရင် တစ်ခုသောဘဝမှာ
ပစ္စေကဗုဒ္ဓါကို စွပ်စွဲပြီးတော့ နှုတ်နဲ့ပြောခဲ့ဖူးတယ်။
“အနူအဝဲတွေ” လို့ ဆဲခဲ့တယ်တဲ့။
ဟော၊ အနူအဝဲနဲ့ ဆဲခဲ့သည့်ကိစ္စကြောင့်မို့လို့
ဒီဘဝမှာ အနူလာဖြစ်တာ၊ အင်မတန်မှ
ကြောက်စရာကောင်းတယ်နော်။
-【ပါမောက္ခချုပ်ဆရာတော်ဒေါက်တာနန္ဒမာလာဘိဝံသ】
Posted by►
www.facebook.com/youngbuddhistassociation.mm