= နဖူးလက်တင် အိမ်ရာဝင် ဆင်ခြင်ကြည့်ကာ   စဉ်းစားပါ။

= လူ့ဘောင်လောကီ နွားကိုမှီ လီလီဖြာဖြာ အကျိုးလာ။

=  နွားအရင်းပြု့ ပစ္စည်းမှု့ စုလို့လှုတာကျေးဇူးပါ။

= လူတို့ကိုးကွယ် ဘုရားတည် အုတ်သယ်တိုက်ရှာ နွားတို့မှာ။

=သိမ် ကျောင်း ဇရပ် ဆောက်တုံလက် မပြတ်နွားတို့မှာ
ရုန်းရရှာ။

= လင်နေ သားမွေး အိမ်ထောင်ရေး အပြေးရုန်းတာ
နွားသတ္တဝါ။

= နွားမှာပိန်ချုံး တကုန်းကုန်း ရုန်းရဝန်တာ ထွန်လယ်ယာ။

= ပြောင်း, ပဲ, ဗူး, နှမ်း, ဝါ, ခရမ်း, စိုက်ခန်း၌ပါ ရုန်းရရှာ။

= မချိသွားဖြဲ စပါးလှည်း အမြဲတိုက်ရာ နွားနှင့်သာ။

= လှည်းကဖြုတ်ဟယ် စပါးနယ် တကယ်ခိုင်းတာ ပတ်ပတ်ချာ။

= ကောက်ပြန် ဆင်းခိုက် သစ်ကိုတိုက် ရိုက်လိုက်ကြောမှာ ကြိမ်ဒဏ်ရာ။

= မိန်းမမီးဝင် ထင်းတိုက်လျှင် နွားပင်ခိုင်းတာ မညှာတာ။

= တောတောင်ကြီးထဲ သစ်ကိုဆွဲ အားနှင့်ရုန်းတာ နွားတို့ပါ။

= ဘုရားပွဲသွား "တဟားဟား "ပျော်ပါးပေရှာ လူတို့မှာ။

= မပြတ်ဝန်ရုန်း နွားပခုံး "ဟုန်းဟုန်း" တောက်ကာ လောင်မီးပြာ။

= ကြမ်းတမ်းစွာပဲ "ဟဲ့....အမဲ" ကြိမ်ဆဲခါခါ ခံရရှာ။

= ခြေကုန်လက်ပန်း မောဟိုက်နွမ်း မလှမ်းနိုင်ရှာ ရုန်းရပါ။

= မှက်, ခြင်က, ကိုက် ကြိမ်နှင့်ရိုက် ဝဋ်ဆိုက်လေတာ နွားတို့သာ။

= နွားတို့လုပ်ပေး ရွှေသူဌေး ငွေရေးကျယ်စွာ လူတို့သာ။

= လက်ကောက် ဆွဲကြိုး, စိန်, ဆံထိုး, မျိုးမျိုးဆင်ရာ နွားလုပ်စာ။

= နွားချေးတန်ဖိုး သီးနှံဖြိုး မျိုးမျိုးကောင်းရှာ လယ်တောင်ယာ။

= နှာခေါင်းသွေးယို နွားချေးကို  ဆေးလိုရှုတာ ကျေးဇူးပါ။

= နွားနို့ ထောပတ် ဘောဇဉ်မြတ် ကပ်လှုရတာ အကျိုးဖြာ။

= ကလေး လူကြီး နွားနို့မှီ ဖိစီးရောဂါ ပျောက်ကင်းကွာ။

= ထူးထူးထွေထွေ ကျေးဇူးတွေ ပြုလေများစွာ နွားသတ္တဝါ။

= ကျေးဇုးတွေများ သို့သော်ငြား ကျွေးထားပုံမှာ စုတ်ချာချာ။

= ကောက်ရိုးကိုမှ မြတ်ခြောက်စ မဝရေစာ ကြွေးကြတာ။

= ခိုင်းလို့ အားကုန် သားသတ်ရုံ စုပုံပို့ရှာ နွားတို့မှာ။

= သတ်မည့်တံဆိပ် ထိပ်မှာနှိပ် ကြိတ်၍ငိုရှာ သူတို့မှာ။

= အရုဏ်လည်းတက် နွားအသက် ဓားလက်နက်မှာ သေရရှာ။

= ဓားကိုလည်းနုတ် ဝိညာဉ်ပြုတ် အဟုတ်နွားမှာ သေရရှာ။

= မိကွဲ ဖကွဲ "ဘူ ဘူ ဘဲ"  အမြဲအော်ရှာ နွားလေးမှာ။

= ကျေးဇူးကြီးမား နွားကိုများ သတ်စားရက်တာ လူများစွာ။

= နွားတို့သေထ နောက်ဘဝ ဖြစ်ကြမည်သာ ဘီလုးရွာ။

= ကျေးဇူးကြီးမား ထိုသည်နွား ထောက်ထားအပ်စွာ များသူငါ။

= နွားသားဆိုလျှင် စားရှောင်ကြဉ် ကင်းစင်ရောဂါ ဘေးဘယာ။

= ငရဲလည်းလွတ် လူ့ကျင့်ဝတ် မချွတ်မှန်စွာ ရှောင်ကြဉ်ပါ။

= ကျေးဇူးကြီးမား ထိုနွားသား စားရက်လေရှာ      လူများစွား။

"ဧဝံ မေ သုတံ"

{ နွားသား မစားရခြင်းကြောင့် မိမိတို့၏အသက် မသေနိုင်သော်လည်းပဲ, မိမိတို့ စားနေခြင်းကြောင့်ပင်
သူတို့တွေရဲ့ အသက်တွေ နေ့စဉ်နှင့်အမျှ ပေးဆပ် နေရတယ်ဆိုတာ သတိပြုပါ }

★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★ ★

"တောင်းပန်ပါ၏ ကျေးဇူးရှင်"
^^^^^^^^^^^^^^^^^^^^^^^^

` ကျေးဇူးရှင်၏ ဆုတောင်း ´
===================
အခါခါ ပြန်ဖက်မိတိုင်း မျက်ရည်ဝဲရပါသည်။
နွားနို့၊နွားသား (အမည်းသား)[မပြောသင့်မှန်းသိပါသည်]ကို စာသုံးဖူးတိုင်း ဒီ Põŝț ကိုလူတိုင်းတွေ့ရအောင် Lîkê & Śĥãřê လုပ်ပြီး စိတ်ထဲကနေ တောင်းပန်သင့်ပါသည်။

`ဝဋ်ကြွေးရှိက ကျေပါစေ´
~~~~~~~~~~~~~
* ငါ၏ရင်မှ ချိုမြနို့ရည် လူတိုင်းကိုစီသောက်ကြသည်။
* ငါ၏ပုခုံး ထွန်းတုံးကိုတင် နေပူမိုးရွာမနားရ လယ်ကွင်းပြင်မှာ ရုန်းခဲ့သည်။
* ငါ၏ခွန်အား မနားရအောင် လူတိုင်းအတွက် စွမ်းဆောင်မှုများ ပေးခဲ့သည်။
* ငါ၏ကြောပြင် အထင်အရှား ကြိမ်ရာများနဲ့ ပြည့်ခဲ့သည်။
* ရင်မှာနာကျင် ပြောချင်စကား နှုတ်လျှာဖျားက မထွက်ပြီ။
* ငါ၏မျက်ရည် သက်သေတည်လို့ လူတိုင်းသိဖို့ ပြခဲပြီ။
* လူတိုင်းအကျိုးပြငြားသော်လည်း ငါ၏အသက် ငဲ့ညှာမထား ငါ့အားသက်၍ စားကြပြီ။
* ကျေးဇူးတရား မထောက်ထား၍ လူတို့လောက သံသရာဝယ် ဘယ်သောခါမှ နွားဘဝသို့ မရောက်စေကြောင်း.. ....
ဝဋ်ကြွေးရှိက ကျေပါစေသတည်း......
ကျေစေသတည်း.. ...။

___________________________________________________

အမဲသားရှောင်တာဟာ လောကီအကျုိး ရှိ/မရှိ
¤¤¤¤¤¤¤¤¤¤¤¤¤¤¤¤¤¤¤¤¤¤
.

(အမေး)
.
လယ်တီဆရာတော်ဘုရားက လူတွေအား အမဲသားလှူဖို့ တိုက်တွန်းခဲ့တယ်။
အမဲသားရှောင်ြပီး မေတ္တာပို့တဲ့အတွက် မြို့တစ်မြို့မှာ ဘီလူးသဘက်စတာတွေကို ဟန့်တားနိုင်တယ်လို့ စာဖတ်ဖူးပါတယ်ဘုရား။
တပည့်တော်သိချင်တာက အမဲသားစားတာကို ရှောင်ခြင်းဖြင့် လောကီအကျိုး ရှိ/မရှိဆိုတာကို သိချင်ပါတယ်ဘုရား။

ကိုကိုအောင်။ ဆန်ဖရန်စ္စကို

.

(အဖြေ)
.
အမဲသားမစားတာဟာ လောကီအကျိုးရှိတယ်လို့ ပြောရမယ်။
နားလည်အောင်ပြောရရင် အသားမစားခြင်းဖြင့် အစိမ်း၊ သရဲ၊ သင်းကွဲပြိတ္တာ၊ တစ္ဆေ၊ မြေဖုတ်၊ နတ်ဘီလူး၊ နတ်မိစ္ဆာများဘေး၊ ခြသေ့င်္၊ သစ်၊ ကျားစတဲ့ သားရဲဘေးအန္တရာယ်မှကင်းဝေးခြင်း၊ သက်ရှည်ကျန်းမာ ရောဂါကင်းသဖြင့် ကိုယ်စိတ်နှစ်ဖြာကျန်းမာချမ်းသာခြင်းစတဲ့ အကျိုးများရနိုင်တယ်လို့ ပြောနိုင်ပါတယ်။
အထူးသဖြင့် ကျွဲနွားတို့၏အသားကိုမစားဘဲ ရှောင်ကြဉ်ခြင်းဟာ ပိုပြီးရောဂါကင်းတယ်၊ သက်ရှည်ကျန်းမာတယ်လို့ သုတ္တနိပါတ်ပါဠိတော်မှာ ဟောတော်မူထားပါတယ်။
.

တယော ရောဂါ ပုရေ အာသုံ၊

ဣစ္ဆာ အနသနံ ဇရာ။

ပသူနဉ္စ သမာရမ္ဘာ၊

အဋ္ဌန၀ုတိ မာဂမုံ။

လို့ဟောတော်မူပါတယ်၊

အဓိပ္ပါယ်က နွားသားကျွဲသားစားသူတို့ မပေါ်မှီ ရှေးအခါက

(၁) ဣစ္ဆာ-လိုချင်တာမရတဲ့အတွက် စိတ်ပူပန်အနှောက်ယှက်ဖြစ်ရတဲ့ရောဂါ။

(၂) အနသန–စားချိန်မှာ မစားရ၊ အိပ်ချိန်မှာ မအိပ်ရတဲ့အတွက် စိတ်ပူပန်အနှောင့်အယှက်ဖြစ်ရတဲ့ရောဂါ။

(၃) ဇရာ – အိုချိန်ကျတဲ့အခါ အိုရတဲ့ရောဂါ။

ထိုရောဂါ (၃)မျိုးသာ ပေါ်ပေါက်ခဲ့ပါတယ်။
ထမင်းရှင်ဟင်းရှင်ဖြစ်တဲ့ ကျွဲနွားသတ္တ၀ါတွေကို သတ်ဖြတ်စားသောက်တဲ့အချိန်ကစပြီး လောကမှာ ကိုးဆယ့်ခြောက်ပါးသော ရောဂါဝေဒနာ များ ဖြစ်ပေါ်လာကြပါတယ်လို့ ဆိုပါတယ်။
ဒါကြောင့် အမဲသားများကိုရှောင်တာဟာ အထက်ဖေါ်ပြပါ လောကီကောင်းကျိုးများ ရနိုင်ပါတယ်လို့ အဖြေပေးလိုက်ပါတယ်။

.

ဦးကောဝိဒ(မြိတ်)

.

Thanks:
ဓမ္မစာပေများ

___________________________________________________

နွားတို့အသား မစားဖို့ရာ
**************

နွားတို့၏ ကျေးဇူးကား လွန်စွာမှ ကြီးမားလှ ပေ၏။ နွားတို့သည် မွေးဖွားသည်မှ သေလွန်သည့် တိုင် လူသားတို့ကို အကျိုးပြုလျက်ရှိ၏။ နွားကလေး တစ်ကောင်သည် မွေးဖွားလာသည်နှင့် သဘာဝက ပေးသော မိခင်နွားမကြီး၏နို့ရည်ချိုကို သောက်စို့ခွင့် ရရှိလေ၏။
သို့ရာတွင် နွားကလေးသည် နို့ရည်ချိုကို ၀လင်စွာ သောက်စို့ခွင့်မရရှိပေ။ လူသားတို့က နွား ကလေး၏ ရပိုင်ခွင့်နို့ရည်ချိုတို့ကို အာဟာရအဖြစ်မှီဝဲ သောက်သုံးရန်အတွက်လည်းကောင်း၊ ငွေကြေးအလို့ ငှာ ရောင်းချခြင်းပြုရန်အတွက်လည်းကောင်း နွား ကလေး၏ မိခင်နွားမကြီးထံမှ နို့ရည်ချိုတို့ကိုညှစ်၍ ယူကြလေ၏။
တစ်ဖန် နွားကလေး အရွယ်ရောက်လာသော အခါ လူသားတို့သည် ခိုင်းစေရန်အတွက် နွားက လေး၏ နှာနုနုကို တုတ်ချွန်၊ သံချွန်စသည်တို့ဖြင့် ထိုးဖောက်၍ နဖားကြိုးထိုးကာ ခိုင်းစေကြတော့၏။သို့ရာတွင် နွားကလေးကား အားကောင်းမောင်းသန် အရွယ်ဖြစ်၍ ငြိုငြင်မှုမပြုဘဲ ပခုံး(ကုပ်ပိုး)ထက် ထမ်းပိုး တင်ကာ ဆန်စပါး ကောက်ပဲသီးနှံ စသည်တို့ကို စိုက်ပျိုးရန်အတွက် ထွန်ယက်ပြီး လူသားတို့အား အလုပ်ကျွေးပြု၏။ ကုန်စည်ဝန်တို့ ထမ်းပိုးပေးရှာ၏။ဤသို့ဖြင့် အတိတ်ဘ၀ကပြုခဲ့ဖူးသော ၀ဋ်ေ<ကးကို နွားကလေးသည် လူသားတို့အတွက် ခွန်အားဖြင့် ရုန်းကန်ပေးဆပ်ကာ လူသားတို့အား စား၊ ၀တ်၊ နေရေးနှင့် စည်းစိမ်ဥစ္စာတို့ကို ပေးလေ၏။
သို့ပါသော်လည်း လူသားတို့ကား ညှာတာ ထောက်ထားမှုမရှိဘဲ စိတ်တိုင်းကြ စေခိုင်း၍ မရမည် စိုး၍ အရွယ်ရောက် နွားကလေး၏ အိမ်ထောင်ပြု လိုစိတ်၊ မေထုန်မှီဝဲလိုစိတ်၊ ဆန့်ကြင်ဖက် နွားမများ အပေါ် စိတ်ပါဝင်စားလိုစိတ်တို့ မရှိစေရန် နွားက လေး၏ ငယ်ပါကို ရက်စက်စွာသံညှပ်ဖြင့် ညှပ်ခြင်း၊ တူဖြင့်ထုခြင်းတို့ဖြင့် ဖိုအောင် မျိုးဆက်မပြန့်ပွား အောင်ပြုကြလေ၏။
ဤသို့နှစ်ပေါင်းများစွာ လူသားတို့အား ခွန် အားဖြင့် အလုပ်ကျွေးပြုပြီးနောက် နွားကလေးသည် ယခင်လို နုပျိုသန်မာခြင်းမရှိတော့ဘဲ အိုမင်းမစွမ်း ဖြစ်လာ၏။ နွားအိုကြီးဖြစ်လာ၏။ ထိုအခါ ]အိုမင်း မစွမ်း}ဟူသောစကားအတိုင်း ]အိုရင် မင်းမစွမ်းတော့ ဘူး}ဟုယူဆကာ လူသားတို့သည် နွားအိုကြီးကို  ရသည့်ဈေးဖြင့် သားသတ်သမားတို့ထံ ရောင်းချရန် အတင်းအကျပ်ကြိုး ဖြင့် ဆွဲခေါ်ကြလေ၏။ သေခြင်း တရားနှင့် နောက်ဆုံးရင်ဆိုင်ရတော့မည်ကို သိနေ သော နွားအိုကြီးသည် ကြောက်ရွံ့တုန်လှုပ်စွာ ရုန်း ကန်လေ၏။ ထိုအခါ လူသားတို့က ပြုခဲ့ဖူးသော နွားအိုကြီး၏ ကျေးဇူးတရားကို မထောက်ထား မစာ နာ ရိုက်နှက်၍ အတင်းအဓမ္မ ဆွဲခေါ်ကြလေ၏။နွားအိုကြီး၏ သုသာန်တစ သင်္ချိုင်းဝကား နာကျင် ကြေကွဲမှု မျက်ရည်များစွာဖြင့် နိဂုံးကမ္ပတ် အဆုံး သတ်ရလေတော့၏။
ဤမျှနှင့် မပြီးသေး။ နွားအိုကြီး၏အသားနှင့် နွားအိုကြီး ထွန်ယက်စိုက်ပျိုးထားသော ဆန်စပါး၊ ကောက်ပဲသီးနှံတို့ဖြင့် လူသားမိသားစုတို့ကား မြိန်ရှက် စွာနှင့် စားရက်၊ သောက်ရက်၊ မြိုရက်ကြပါ၏။နွား အိုကြီး၏ ဘ၀ခန္ဓာချုပ်ငြိမ်းပြီးသော်လည်း ကျန်ရစ် ခဲ့သော အရိုး၊ အရေ၊ ဦးချိုစသည်တို့ကို လူသား တို့က အမျိုးမျိုး အသုံးပြုကာ ရောင်းချစားသောက် ခွင့်ပင် ရရှိကြပါသေး၏။ ထို့ကြောင့် နွားတို့သည် မွေးဖွားသည်မှ သေလွန်သည့်တိုင် လူသားတို့ကို အကျိုးပြု၍ လွန်စွာကျေးဇူးကြီးမားလှပေ၏။ သို့ပါ သောကြောင့် လူသားတို့သည် နွားသားကို မစားသင့်၊ မစားအပ်ပေ။
ကျွန်ုပ်သည် အထက်တွင်တင်ပြခဲ့သော နွား မေတ္တာစာကို နွားကလေး၏ နေရာမှနေ၍ ခံစားရေးဖွဲ့ ပါ၏။ ဤကဲ့သို့ နွားမေတ္တာစာကို ကျေးဇူးတော်ရှင် လယ်တီဆရာတော်ဘုရားကြီးသည် ကြီးမားသော ကရုဏာတရားဖြင့် ရေးဖွဲ့တော်မူခဲ့ပါ၏။ ထို့ပြင်လော ကနီတိကျမ်း ပကိဏ္ဏက ကဏ္ဍ ဂါထာအမှတ် (၁၄) တွင် နွားတို့သည် လူသားတို့အား အ၀တ်အထည်၊ စည်းစိမ်ဥစ္စာ၊ အစားအသောက်တို့ကိုပေးပါသော ကြောင့်အမိçအဖတို့ကဲ့သို့ပင် နွားများကို မြတ်နိုးသင့်၊ ရိုသေသင့်ကြောင်းကို အောက်ပါအတိုင်းပါရှိ၏။
ဂေါဏာဟိ သဗ္ဗဂီဟိနံ၊
ပေါသကာ ဘောဂဒါယကာ။
တသ္မာဟိ မာတာပိတူဝ၊
မာနယေ သက္ကရေယျ စ။
အနက်
ဂေါဏာ-နွားတို့သည်၊ သဗ္ဗဂီဟိနံ-ခပ်သိမ်း သောသူတို့ကို၊ ဟိ ယသ္မာ-အကြင်ကြောင့်၊ ပေါသ ကာ-ကျွေးမွေးတတ်ကုန်၏။ ဘောဂဒါယကာ-စည်း စိမ်တို့ကို ပေးတတ်ကုန်၏။ တသ္မာ ဟိ တသ္မာ ဧ၀ - ထိုကြောင့်သာလျှင်၊ မာတာပိတူဝ-အမိçအဖ တို့ကဲ့သို့၊ တေ-ထိုနွားတို့ကို မာနယေ-မြတ်နိုးရာ၏။သက္ကရေယျ စ-အရိုအသေလည်း ပြုရာ၏။
ထို့အပြင် နွားတို့ကို မသတ်ဖြတ်ကြဘဲ သူ့ အလိုလို အသက်တမ်းကုန်ဆုံးပြီဆိုမှသာ ရေမျှော ခြင်း၊ လင်းတငှက်တို့ကို ပေးခြင်းများပြုလုပ်သင့် ကြောင်းနှင့် နွားတို့၏အသားကို စားသုံးပါက အမိç အဖတို့၏အသားကိုသာ စားခြင်းမည်ကြောင်းကို လောကနီတိကျမ်း၊ ပကိဏ္ဏက ကဏ္ဍ၊ ဂါထာ အမှတ် (၁၅)တွင် အောက်ပါအတိုင်း ဆက်လက်ပြဆိုထား၏။
ယေ စ ခါဒန္တိ ဂေါမံသံ၊
မာတုမံသံဝ ခါဒယေ။
မတေသု တေသု ဂိဇ္ဈာနံ၊
ဒဒေ သောတေစ ၀ါဟယေ။
အနက်
ယေ စ-အကြင်သူတို့သည်လည်း၊ ဂေါမံသံ- နွားတို့၏ အသားကို၊ ခါဒန္တိ-စားကုန်၏။ တေ-ထိုသူတို့သည်၊ မာတုမံသံဝ-အမိ၏ အသားကိုသာ လျှင်။ ခါဒယေ-စားသည်မည်ကုန်၏။ တေသု-ထိုနွားတို့သည်၊ မတေသု-သေကုန်သည်ရှိသော်၊ ဂိဇ္ဈာနံ-လင်းတတို့အား၊ ဒဒေ-ပေးရာ၏။ သောတေ စ-ရေအလျင်၌သော်လည်း၊ ၀ါဟယေ-မျှောရာ၏။
]နွားတို့အပေါ် ကြင်နာနိုင်ကြပါစေ}
]နွားတို့အပေါ် စာနာနိုင်ကြပါစေ}
အင်းဝခေတ် စာဆိုတော်
ရှင်မဟာရဋ္ဌသာရ၏ ဆုံးမစာအတိုင်း-]ကိုယ်နှင့်လည်း စာ၊ သတ္တ၀ါကို၊ ကြင်နာလှစေ၊ သူ့အသက်ကို၊ ချစ်ပါလေ}ဟူ၍သာ ပြောချင်ပါ တော့၏။
ဗဟုသုတ အသိအလိမ္မာတိုးပွားကြပါစေ။

ဇော်လွင်ထွန်း

ကျမ်းကိုး
(၁) ညောင်ကန်ဆရာတော်ဘုရားကြီး ဦးဗုဓ် နိဿယ ပြန်ဆိုသော လောကနီတိကျမ်း။
(၂) လယ်တီဆရာတော်ဘုရားကြီး၏ နွား မေတ္တာစာ။
(၃) ရှင်မဟာရဋ္ဌသာရ၏ ဆုံးမစာ။