လူ့ဘ၀ရယ်လို့ရလာပြီဆိုရင် ယေဘုယျအားဖြင့် အရေးကိစ္စ ငါးပါးနဲ့ မလွဲမသွေ ပတ်သက်ရပါမယ်။ လူ့တာဝန်အရေးငါးပါး လို့ဆိုရင်မမှားပါဘူး။ကျန်းမာရေး၊စီးပွားရေး၊အိမ်ထောင်ရေး ၊လူမှုရေးနဲ့ ပညာရေးတို့ပါပဲ။

ကျန်းမာရေးကောင်းမွန်တဲ့ လူတစ်ယောက်ဖြစ်ဖို့အတွက် ပါဏာတိပါတသိက္ခာပုဒ် လုံခြုံရပါတယ်။ပါဏတိပါတ သမားတွေဟာ ဖြစ်လေရာဘ၀တိုင်း အနာရောဂါများပြီး ကျန်းမာရေးညံ့ဖျင်းတတ်ပါတယ်။

စီးပွားရေးပြည့်စုံတဲ့သူတစ်ယောက်ဖြစ်ဖို့အတွက် အဒိန္နာဒါနသိက္ခာပုဒ်လုံခြုံရပါတယ်။ အဒိန္နဒါနသမားတွေဟာ ဖြစ်လေရာဘ၀တိုင်း ပစ္စည်းဥစ္စာချို့တဲ့ပြီး စီးပွားရေးနိမ့်ကျတတ်ပါတယ်။

အိမ်ထောင်ရေးသာယာတဲ့ လူတစ်ယောက်ဖြစ်ဖို့အတွက် ကာမေသုမိစ္ဆာစာရသ်ိက္ခာပုဒ် လုံခြုံရပါတယ်။ကာမေသုမိစ္ဆာစာရ သမားတွေဟာ ဖြစ်လေရာဘ၀တိုင်း ပြဿနာရှုတ်ထွေးပြီး အိမ်ထောင်ရေးကံ ဆိုးတတ်ပါတယ်။

လူမှုရေးအဆင်ပြေတဲ့လူတစ်ယောက်ဖြစ်ဖို့အတွက် မုသာဝါဒသိက္ခာပုဒ် လုံခြုံရပါတယ်။မုသာဝါဒသမားတွေဟာ ဖြစ်လေရာဘ၀တိုင်း လူအယုံအကြည် ကင်းမဲ့ပြီး လူမှုဆက်ဆံရေးလွဲချော်တတ်ပါတယ်။

ပညာရေးမြင့်မားတဲ့ လူတစ်ယောက်ဖြစ်ဖို့အတွက် သုရာမေရယသိက္ခာပုဒ် လုံခြုံရပါတယ်။သုရာမေရယသမားတွေဟာ ဖြစ်လေရာဘ၀တိုင်း အသိဥာဏ်ထုံထိုင်းပြီး ပညာရေးအောက်တန်းကျတတ်ပါတယ်။

လူ့တာဝန်အရေးငါးပါးလုံးမှာ အောက်ကျနောက်ကျမဖြစ်ပဲ အထက်တန်းကျကျ ၊ အဆင့်အတန်းမြင့်မြင့်ဖြစ်နေဖို့အတွက် ငါးပါးသီလ သိက္ခာပုဒ် ၅ ခုကို အဖြူစင်ဆုံး ၊ အသန့်ရှင်းဆုံးဖြစ်အောင် ထိန်းသိမ်းစောင့်ရှောက်သင့်ပါတယ်။

လူရယ်လို့ဖြစ်လာတိုင်း ဘ၀ကောင်းတစ်ခုရပြီလို့ မဆိုနိုင်သေးပါဘူး။ ငါးပါးသီလ ဖောက်ဖျက်မှုရဲ့ အကျိုးဆက်တွေနဲ့ ထုဆစ်ထားတဲ့ လူတစ်ယောက်ရဲ့ ဘ၀ဟာ ဘ၀ကောင်းမဟုတ်သေးပါဘူး။ငါးပါးသီလ လုံခြုံမှုရဲ့ အကျိုးဆက်တွေနဲ့ ထုံမွှမ်းလွှမ်းခြုံနေတဲ့ လူတစ်ယောက်ရဲ့ ဘ၀ကိုသာ အဖိုးတန်ဘ၀ကောင်းလို့ဆိုနိုင်ပါတယ်။

လူတစ်ယောက်ငါးပါးသီလတွေလုံခဲ့တယ် မလုံခဲ့ဘူးဆိုတာကို သူ့ရဲ့အကျိုးပေးကိုကြည့်ခြင်းအားဖြင့် သိနိုင်ပါတယ်။

ပါဏာတိပါတသိက္ခာပုဒ် မလုံခြုံတဲ့သူ ၊သူတပါးအသက်ကိုသတ်ဖြတ်တဲ့သူဟာ ဖြစ်လေရာဘ၀တိုင်း မျက်စိ၊နား၊နှာ ၊ အင်္ဂါ၊ခြေလက် ချို့ယွင်းတတ်ပါတယ်။ ရုပ်ဆင်းသွင်ပြင် စိုစိုပြည်ပြည် မရှိပဲ မွဲပြာခြောက်ညှိုးနေတတ်ပါတယ်။
အင်အားချို့ယွင်းပြီး အားနည်းနေတတ်ပါတယ်။လျင်မြန်ဖျတ်လတ်ခြင်းကင်းဝေးပြီး တုံ့နှေး တုံ့နှေးဖြစ်နေတတ်ပါတယ်။ဘေးရန်တစ်စုံတစ်ခုပေါ်ပေါက်လာရင် အလွန်အမင်း ကြောက်ရွံ့ထိတ်လန့်နေတတ်ပါတယ်။
သူတစ်ပါးရဲ့ အသတ်အဖြတ်ခံရတတ်သလို ကိုယ့်ဘာသာကိုယ် အဆိပ်သောက် ၊ သေကြောင်းကြံစည်ပြီးလည်း သေရတတ်ပါတယ်။ အနာရောဂါ များတတ်ပါတယ်၊ အခြွေအရံပျက်စီးတတ်ပါတယ်။ အသက်တိုတတ်ပါတယ်။

အဒိန္နဒါနသိက္ခာပုဒ်မလုံခြုံတဲ့သူ ၊ ပိုင်ရှင်မပေးပဲ သူတစ်ပါးပစ္စည်းကို မတရားယူတဲ့သူဟာ ဖြစ်လေရာ ဘ၀တိုင်း ပစ္စည်း ဥစ္စာမွဲတတ်ပါတယ်။ လူဆင်းရဲဖြစ်တတ်ပါတယ်။အငတ်ငတ် အပြတ်ပြတ် နေရတတ်ပါတယ်။ အလိုရှိတာမရပဲ ဖြစ်တတ်ပါတယ်။
လုပ်ငန်းမကျွမ်းကျင်ခြင်း ၊ သူတစ်ပါးလိမ်လည်ခြင်း စတဲ့ အကြောင်းအမျိုးမျိုးကြောင့် စီးပွားဥစ္စာပျက်စီးတတ်ပါတယ်။ ရေ၊ မီး၊ သူခိုး ၊ အမွေခံသားသမီးဆိုး၊ မင်းဆိုးဆိုတဲ့ ရန်သူမျိုး ၅ပါးရဲ့ နှောက်ယှက်ဖျက်ဆီးမှုကြောင့် ပိုင်ဆိုင်သမျှ စည်းစိမ်ဥစ္စာတွေ လက်လွှတ်ဆုံးရှုံးရတတ်ပါတယ်။

ကာမေသုမိစ္ဆာစာရပုဒ် မလုံခြုံတဲ့သူ ၊ မိမိကာမပိုင်မဟုတ်သူနဲ့ ဖောက်ပြန်ကျုးလွန်သူဟာ ဖြစ်လေရာ ဘ၀တိုင်းမှာ မလိုမုန်းထားသူပေါများတတ်ပါတယ်။ရန်သူလဲများတတ်ပါတယ်။လာဘ်လာဘရှားပါ တိတ်ဆိတ်တတ်ပါတယ်။ ချမ်းသာမှု ကင်းဆိတ်တတ်ပါတယ်။
မိန်းမဖြစ်ရတတ်ပါတယ်။မိန်းမမဟုတ် ၊ ယောင်္ကျားမဟုတ် ပဏ္ဍုပ် ( မိန်းမလျာ ၊ ယောက်ျားလျာ) ဖြစ်ရတတ်ပါတယ်။ ယောင်္ကျားဖြစ်ပြန်ရင်လဲ တည်ငြိမ်ရင့်ကျက် မြင့်မြတ်တဲ့ ယောကျာင်္းကောင်းတစ်ယောက်မဖြစ်နိုင်ပါပဲ ၊ မိန်းမတစ်ယောက်လို ဟိုစပ်စပ် ဒီစပ်စပ်နဲ့ သူတစ်ပါးအပေါ် မကောင်းမြင် ပြစ်တင်ဝေဖန်တတ်လွန်းတဲ့ အထင်ကြီးစရာလုံးဝမကောင်းတဲ့ ယုတ်ညံ့တဲ့ အမျိုးသား တစ်ယောက်ပဲ ဖြစ်ရတတ်ပါတယ်။
မျက်နှာပျက်ပြီးတော့ အရှက်ကွဲရတတ်ပါတယ်။ရုပ်ဆင်းအင်္ဂါ လက္ခဏာ တို့ချို့ယွင်းသေးသိမ်တတ်ပါတယ်။ စိုးရိမ်ကြောင့်ကြမှုအားကြီး တတ်ပါတယ်။ကိုယ်ချစ်တဲ့သူတွေနဲ့ ခွဲခွါကွေကွင်းရတတ်ပါတယ်။

မုသာဝါဒသိက္ခာပုဒ် မလုံခြုံတဲ့သူ ၊ မဟုတ်မမှန်တဲ့စကားကို လိမ်ညာလှည့်ပတ် ပြောဆိုတတ်တဲ့သူဟာ ဖြစ်လေရာဘ၀တိုင်း စကားပီပီသသ မပြောတတ်တဲ့သူဖြစ်ရပါတယ်။သွားတွေမညီမညွတ်ရှိတတ်ပါတယ်။ခံတွင်း ပါးစပ်ပုတ်ညှီတတ်ပါတယ်။
ကိုယ်အသားအရေ စိုစိုဖတ်ဖတ်မရှိပဲ ခြောက်ကပ်ပူရှိန်နေတတ်ပါတယ်။ပုံဟန်သွင်ပြင် မလှပပဲ ဆိုး
ဝါးဖောက်ပြန်ချို့ယွင်းနေတတ်ပါတယ်။
သူတစ်ပါးအပေါ် သြဇာမရောက် ၊ အာဏာမတည်ဖြစ်တတ်ပါတယ်။နှုတ်ခမ်းထော်၊လျှာကြမ်းပြီး အပြောအဆို သရမ်းတတ်ပါတယ်။ စိတ်တည်ငြိမ်မှု လုံးဝမရှိပဲ လျှပ်ပေါ်လော်လီပြီး အထင်ကြီးစရာကောင်းနိုင်တဲ့ လူတစ်ယောက် ဘယ်တော့မှ ဖြစ်လာနိုင်မှာ မဟုတ်ပါဘူး။

သုရာမေရယသိက္ခာပုဒ် မလုံခြုံတဲ့သူ ၊သေရည်သေရက် သောက်စားတဲ့သူဟာ ဖြစ်လေရာဘ၀တိုင်း အရေးအခွင့် သင့်မသင့်ကို နားမလည်တတ် ၊မသိတတ်ပါဘူး။ပျင်းရိတတ်ပါတယ်။ အရူးအနှမ်းဖြစ်တတ်ပါတယ်။
သူတစ်ပါးပြုဖူးတဲ့ ကျေးဇူးတွေကို မသိတတ်၊ မဆပ်တတ်တော့ပါဘူး။ဟိရိသြတ္တပ္ပ လို့ခေါ်တဲ့ အရှက် အကြောက်ကင်းတတ်ပါတယ်။ ဘယ်အကုသိုလ်ကိုမှ မရှောင်ပဲ မကောင်းမှု အကုသိုလ်တွေအားလုံးကို အလွယ်တကူပြုမိတတ်ပါတယ်။

ငါးပါးသီလနဲ့ပတ်သက်တဲ့ ဆောင်ပုဒ်ကလေးငါးခုကို နှုတ်တက်အလွတ်ရအောင်ကျက်ထားနိုင်ကြရင် အလွန်ကောင်းပါတယ်။

ပါဏာတိပါတ် ၊သူ့သက်သတ်က
ချို့တတ်အင်္ဂါ ၊ မွဲပြာရုပ်သွင်
အားအင်ချို့ယွင်း ၊လျင်ခြင်းလဲဝေး
ဘေးကိုကြောက်တတ် ၊ အသတ်ခံရာ
အနာများလျှက် ၊ခြွေရံပျက်၍
အသက်တိုလျ ၊ ပြစ်များစွာ့သည်
ရှောင်က အပြန်အကျိုးတည်း။

အဒိန္နဒါ ၊ ခိုးမိပါမူ
ဥစ္စာနည်းမွဲ ၊ ဆင်းရဲငတ်ဘိ
လိုရှိမရ ၊ ဘောဂပျက်စီး
ရေမီးသူခိုး ၊ မွေခံဆိုးနှင့်
မင်းဆိုးအပြား ၊ ရန်မျိုးငါးကြောင့်
ပျက်ပြားဥစ္စာ ၊ ပြစ်များစွာသည်
ရှောင်ခါ အပြန်အကျိုးတည်း။

မိစ္ဆာစာရ ၊ ကျူးလွန်ကလည်း
မုန်းကြသူများ ၊ရန်သူပွား၍
ရှားပါးလာဘ်တိတ် ၊ ချမ်းသာဆိတ်၏
ဣတ္ထိပဏ္ဍုက် ၊မျိုးရုပ်ခါခါ
မျက်နှာမလှ ၊ အရှက်ရလျှက်
လက္ခဏဣနြေ္ဒ ၊ယွင်းသွေချို့သိမ်
စိုးရိမ်များစွာ ၊ ချစ်သူကွာသည်
ရှောင်ခါ အပြန်အကျိုးတည်း။

မုသားစကား ၊ ပြောဆိုငြားမူ
စကားမပီ ၊ သွားမညီတည်း
ပုတ်ညှီပါးစပ် ၊ ခြောက်ကပ်ကိုယ်ရေ
ဣနြေ္ဒနောက် ၊ ပုံယွင်းဖောက်၏
မရောက်သြဇာ ၊ နှုတ်လျှာကြမ်းထော်
လျှပ်ပေါ်လော်လီ ၊ စိတ်မတည်သည်
ရှောင်ပြီအပြန်အကျိုးတည်း။

သေရည်သောက်လင့် ၊သင့်မသင့်၌
ရေးခွင့်မသိ ၊ ပျင်းရိမေ့ရူး
ကျေးဇူးမဆပ် ၊ဟိရောတ္တပ်ကင်း
ခမင်းများထို ၊ အကုသိုလ်ကို
မငြိုလွယ်ရာ ၊ပြုကျင့်ရာသည်
ရှောင်ခါအပြန်အကျိုးတည်း။

ငါးပါးသီလနဲ့ ပါတ်သက်တဲ့ ဒီဆောင်ပုဒ် ငါးခုကို နှုတ်တက်အလွတ်ရအောင်ကျက်ထားပါ။ဆောင်ပုဒ်မှာပါတဲ့ အကျိုးအပြစ်တွေကို တစ်ခုချင်း စဉ်းစားဆင်ခြင်ပါ။ငါးပါးသီလ မလုံခြုံခြင်းရဲ့ အကျိုးဆက်တွေနဲ့ ဖွဲ့စည်းတည်ဆောက်ထားတဲ့ လူတစ်ယောက်ရဲ့ဘ၀ဟာ လူဖြစ်ရကျိုးမနပ်တဲ့ဘ၀မျိုးဖြစ်လို့ အဲဒီလိုလူ့ဘ၀မျိုး မရောက်ရလေအောင် ငါးပါးသီလကို ခါးဝတ်ပုဆိုးလို မြဲမြံအောင် ထိန်းသိမ်းစောင့် ရှောက်နိုင်ကြပါစေ။

--------------------------------------------------------

" ခေါင်းပေါ်ကဆံပင်လို အလေးအနက်ထားရမယ်
ခါးပေါ်က လုံချည်လို ကိုယ်နဲ့မကွာ မြဲရမယ် "

တော်သလင်းလပြည့်နေ့ဟာ ဂရုဓမ္မ အခါတော်နေ့ ဖြစ်ပါတယ် ။ ဂရုဓမ္မဆိုတာ . . . ငါးပါးသီလကို ပြောတာပါ ၊
ဗုဒ္ဓဘာသာဝင်တွေရဲ့ အခြေခံအကျဆုံး ကျင့်စဉ်ဖြစ်တဲ့ ငါးပါးသီလကို ဂရုဓမ္မ  လို့ ခေါ်ပါတယ် ၊

တရားနာပရိတ်သတ်များ " ဝိပဿနာ  ၊ ဝိပဿနာ   နဲ့ တွင်တွင်ကြီးသုံးပြီး လူကြားသူကြားထဲ အာပေါင်အာရင်းသန်သန် ဆရာကြီး လုပ်နိုင်ရုံနဲ့ ကျေနပ်မနေကြနဲ့နော် . . . ။

ငါးပါးသီလကို အလေးအနက်မထားဘဲ ပစ်ပယ်ပြီး ဝိပဿနာ   စကားနဲ့သာ လူတွင်ကျယ် လုပ်နေရင် . . .

အောက်ပိုင်း ကိုယ်တုံးလုံးနဲ့ အပေါ်က တိုက်ပုံအကျီင်္ ဝတ်ထားသလို ဖြစ်နေမယ် ၊ လုံးဝ ကြည့်မကောင်းဘူးနော် ၊
---------------------------------------------------

ဂရုဓမ္မလို့ ဘာကြောင့် ခေါ်သလဲ ? ဆိုတော့ . . .
အထူးအလေးအမြတ်ထားပြီး ကျင့်ရမယ့် တရားမို့လို့  ၊
မိမိတို့ရဲ့ ခေါင်းပေါ်မှာ ရှိတဲ့ဆံပင်လို အထူးအလေးအမြတ် ထားပြီး ကျင့်ရမယ့်တရားမို့လို့ ဂရုဓမ္မ လို့ ခေါ်တာပါ ၊

မွေးလာကတည်းက မိမိခေါင်းပေါ်မှာရှိတဲ့ ဆံပင်ကို သေတဲ့အထိ မချဘဲနဲ့ ဦးထိပ်မှာ ရွက်ထားသလို ၊ ဦးထိပ်မှာ အမြဲတင်ထားသလို . . . .
ငါးပါးသီလ ဆိုတဲ့ ကိုယ်ကျင့်တရားကိုလည်းပဲ မိမိရဲ့ ကိုယ်ပေါ် ၊ နှုတ်ပေါ် ၊ ဦးထိပ်ပေါ်မှာ အမြဲတမ်း ရွက်ထား ၊ တင်ထား ၊ ကပ်ဆောင်ထားရမယ် ။

ခေါင်းပေါ်ကဆံပင်လို အလေးအမြတ်ထားပြီး ကျင့်သုံးရမှာမို့  ငါးပါးသီလကို ဂရုဓမ္မလို့ ခေါ်ပါတယ် ၊
-----------------------------------------------

နောက်တနည်းအားဖြင့်လည်း ငါးပါးသီလကို နိစ္စသီလ လို့ ခေါ်တယ် ။

နိစ္စ ဆိုတာ မြဲတာ ၊
နိစ္စသီလ ဆိုတာ အမြဲတမ်းကျင့်ရမယ့် ကိုယ်ကျင့်တရား ၊
ငါးပါးသီလဆိုတာ လူတိုင်းအမြဲတမ်းကျင့်ရမယ့် ကိုယ်ကျင့်တရား ဖြစ်တယ် ။

ခါးဝတ်ပုဆိုးလို ခါးဝတ်လုံချည်လို မြဲရမယ့် တရားမို့လို့ နိစ္စသီလ လို့ ခေါ်ပါတယ် ။

မိမိတို့ခါးမှာ ဝတ်ထားတဲ့ အဝတ်ဟာ ရှက်ကြောက်တတ်တဲ့ အရွယ်ကစလို့ သေဆုံးချိန်ထိ ချွတ်တယ်လို့ မရှိ ၊ အမြဲ ဝတ်ထားရသလို . . .

ငါးပါးသီလ ဆိုတဲ့ ကိုယ်ကျင့်တရားကိုလည်း မိမိတို့ အသက်ခန္ဓာမြဲနေသ၍ ဘယ်တော့မှ မချွတ်ဘဲ ရုပ်ခန္ဓာအစဉ်မှာ အမြဲ ကိန်းဝပ်နေအောင် ကြိုးစားသင့်လို့ . . . နိစ္စသီလ လို့ ခေါ်ပါတယ်။
------------------------------------------------------

သီလ  ဆိုတာ သူ့ရဲ့တိုက်ရိုက်ထွက်တဲ့ အဓိပါယ်က အလေ့ ပါ ။ အလေ့အထကို သီလ လို့ ခေါ်တာ ။

လူမျိုးတိုင်း ၊ ဘာသာဝင်တိုင်း ၊ သက်ရှိလူသားရယ်လို့ ဖြစ်လာရင် ၊ လူမှန်ရင် ကျင့်ရမယ့်တရား မို့လို့ သီလ လို့ ခေါ်တာပါ ။

သီလ ဆိုတော အလေ့ ။
ခေါင်းပေါ်က ဆံပင်လို ရာသက်ပန် အလေးအမြတ် ထားသင့်လို့ ဂရုဓမ္မ ၊
ခါးဝတ်လုံချည် လို ထာဝရ မြဲမြံသင့်လို့ နိစ္စ ။
အားလုံးပေါင်းလိုက်တော့ ဂရုဓမ္မနိစ္စသီလ  ။
ဒါကြောင့်မို့ ငါးပါးသီလကို ဂရုဓမ္မနိစ္စသီလ လို့ ခေါ်ပါတယ် ။

တော်သလင်းလပြည့်နေ့ကို ဂရုဓမ္မနိစ္စသီလ နေ့လို့ ခေါ်ပါတယ် ။ လိုရင်းတိုရှင်းနဲ့ဆို ဂရုဓမ္မအခါတော်နေ့ လို့ခေါ်ပါတယ် ၊
------------------------------------------------------

ဂရုဓမ္မအခါတော်နေ့ကို တနည်းအားဖြင့် ကုရုဓမ္မ အခါတော်နေ့ လို့လဲ ခေါ်တယ် ၊

ကုရုဆိုတာ . . ကရုတိုင်းသားတွေ ။
ဓမ္မ ဆိုတာ . . ကျင့်သုံးတဲ့ တရား ။
ကုရုဓမ္မ ဆိုတာ . . ကုရုတိုင်းသားတွေ ကျင့်သုံးတဲ့ တရား ။

မြတ်စွာဘုရားအလောင်းတော် ကုရုတိုင်းမှာ အုပ်ချုပ်မင်းလုပ် စဉ်က မင်းကျင့်တရားဆယ်ပါးနှင့်အညီ အုပ်ချုပ်တဲ့အပြင် ငါးပါးသီလ ကိုလည်း အထူးစင်ကြယ်အောင် စောင့်ထိန်း ကျင့်သုံးတယ် ။

ကုရုမင်းတစ်ဦးတည်းသာမကဘူး ၊ ကုရုတိုင်းသူ တိုင်းသား အားလုံး ကျင့်သုံးကြတဲ့ တရားမို့လို့ ငါးပါးသီလကို ကုရုဓမ္မ လို့ ခေါ်တာ ။

ကျင့်သုံးကြပြန်တော့လည်း ပေါ့ပေါ့လျော့လျော့ ကျင့်သုံးကြတာ မဟုတ်ဘူး ။ လေးလေးနက်နက် အထွတ်အမြတ် ထားပြီး ကျင့်သုံးကြပါတယ်။
--------------------------------------------------

တစ်ခါတော့ ကုရုတိုင်းရဲ့ အိမ်နီးချင်းတိုင်းပြည် ဖြစ်တဲ့ ကာလိင်္ဂတိုင်းမှာ အကြီးအကျယ် မိုးခေါင်တော့ . . .

ငတ်မွတ်ခေါင်းပါးကုန်ကြတယ်၊ အစာအာဟာရ ချို့တဲ့တဲ့အတွက် ရောဂါမျိုးစုံ နှိပ်စက်မှုဒဏ် ခံရလို့ တိုင်းတပါးကို ဒုက္ခသည် အဖြစ်နဲ့ ထွက်ပြေးတိမ်းရှောင်ကြရတယ် ။

ဗဟုသုတ ရှိတဲ့အမတ်ကြီးတွေရဲ့ အကြံပေးချက်အရ မိုးရွာအောင် ဆိုပြီး အလှူပေး ၊ သီလဆောက်တည် ၊ ကျက်သရေ တိုက်ခန်းမှာ မြေဇာမြက် ခင်းအိပ်ပြီး ဓာတ်ရိုက်ဓာတ်ဆင် ယတြာ ချေပေမယ့် မိုးက မရွာပါဘူး ၊

အဆောင်လက်ဖွဲ့ကို အထင်ကြီးတဲ့အမတ်တွေက . .
ကုရုတိုင်း မိုးကောင်းတာ မင်္ဂလာဆင်တော်ကြောင့် ဖြစ်တယ် ဆိုပြီး ကုရုမင်းရဲ့ မင်္ဂလာဆက်တော်ကို အဆောင်အဖြစ် အလှူခံပြီး ဆောင်ထားဖို့ အကြံပေးကြပြန်တယ် ၊

ကုရုမင်းက ကြည်ကြည်ဖြူဖြူ လှူလိုက်လို့ မင်္ဂလာဆင်တော် ကို ဆောင်ထားပေမယ့် မိုးက မရွာသွန်းခဲ့ပါဘူး ၊ ဒါကြောင့်လဲ မင်္ဂလာဆင်တော်ကို ပြန်ပို့ရတယ် ။
-----------------------------------------------------

အယူမှန်ကန်တဲ့ ပညာရှိသူတော်ကောင်း အမတ်ကြီးတွေက ကုရုတိုင်းမှာ မိုးကောင်းတာဟာ . . .

မင်းနဲ့တကွ တိုင်းသူပြည်သားတွေ ကုရုဓမ္မကို အထူး စင်ကြယ်အောင် စောင့်ထိန်းကြလို့ ဖြစ်တယ် ၊ ကုရုတိုင်းသားတွေ ကျင့်သုံးတဲ့ ကုရုဓမ္မကို ရွှေပြားနဲ့ ရေးကူးယူဆောင်လာပြီး ကာလိင်္ဂတိုင်းသားတွေ လိုက်နာကျင့်သုံးကြမယ် ဆိုရင်

ကာလိင်္ဂတိုင်းသားတွေ မိုးခေါင်တဲ့ဘေးမှ လွှတ်မြောက် လိမ့်မယ် အကြံပေးကြတယ် ၊

အကြံပေးချက်အတိုင်း ကုရုတိုင်းကနေ ရွှေပြားနဲ့ ရေးကူး ဆောင်ယူလာတဲ့ ကုရုဓမ္မကို . . .

ကာလိင်္ဂမင်းကြီးနဲ့ တိုင်းသူပြည်သားတွေ စင်ကြယ်အောင် စောင့်ထိန်းကျင့်သုံးလိုက်မှပဲ မိုးကောင်းကောင်း ရွာသွန်းတော့တယ် ၊

မိုးခေါင်ဘေး ၊ ငတ်မွတ်ဘေးနဲ့ ရောဂါဘေး ၊ ဘေးကြီးသုံးပါး လုံးဝ ငြိမ်ပျောက်ပြီး တိုင်းနိုင်ငံဟာ အစာရေစာမှအစ အစစအရာရာ အေးချမ်းသာယာ ဖွံ့ဖြိုးတိုးတက်လာတယ် ။
---------------------------------------------------

ကုရုတိုင်းသားတွေ ကျင့်သုံးတဲ့ တရား ( ကုရုဓမ္မ ) ဆိုတာ ငါးပါးသီလ ပါပဲ။
အဲဒီ ကုရုဓမ္မရဲ့ ဂုဏ်ကျေးဇူး ၊ တန်ခိုး ၊ အစွမ်းသတ္တိတွေဟာ မိုးတွင်းကာလမှာ  မိုးခေါင်တဲ့ ကာလိင်္ဂတိုင်းနဲ့ ဆက်စပ်ပြီး သိသိသာသာ ပေါ်လွင်ထင်ရှားခဲ့တဲ့အတွက်  . . .

မိုးတွင်းကာလရဲ့ လပြည့်နေ့တစ်ခုဖြစ်တဲ့ တော်သလင်း လပြည့်နေ့ကို ကုရုဓမ္မ အခါတော်နေ့ လို့ ဂုဏ်ပြုသတ်မှတ်ခဲ့ခြင်း ဖြစ်တယ် ။

ကုရုဓမ္မကို ကုရုတိုင်းသားတွေ ကျင့်သုံးပုံက
အလေးအနက် ရှိလွန်း ၊ အလေးအမြတ် ထားလွန်း ၊ ဂရုစိုက် လွန်းတာမို့ " ကရုဓမ္မအခါတော်နေ့ " လို့ လည်း ခေါ်ပါတယ် ။

" ဆရာတော် အရှင်ဆန္ဒာဓိက- ရွှေပါရမီတောရ"
( လောက၌ အကောင်းဆုံးသောအရာ ၊ စာ-၄၃-၅၃ )
အကျဉ်းအား ကောက်နုတ်ပူဇော်ပါ၏