မည်သည့်အလုပ်မဆို လုပ်ကိုင်ကြရာတွင် အကြောင်းအကျိုး အဓိပ္ပာယ်ကို ကျနစွာသိ၍ လုပ်ကိုင်ရခြင်း နှင့်
အကြောင်းအကျိုးမသိ အများလုပ်၍ လိုက်လုပ်လေ့ရှိသောသူ နှစ်ဦး တို့ဧ။် အကျိုးကျေးဇူးခံစားရပုံတို့မှာ
တစ်ဦး နှင့် တစ်ဦး မတူနိုင်ချေ ။

အကြောင်းအကျိုးကိစ္စဧ။် သဘောတရားကို တိကျစွာ သိရှိသူက ပိုမို၍
အကျိုးကျေးဇူး ခံစားရသည်မှာ ဓမ္မတာသဘောပင် ဖြစ်သည် ။

ထို့အတူ တရားဘာဝနာ အားထုတ် ကြိုးစား ကြရာတွင်လည်း တရားသဘော သဘာဝကို များစွာသိ၍ အားထုတ်သူနှင့်
အနည်းငယ်မျှသာသိ၍ အားထုတ်သူ နှစ်ဦး မှာ - ပြန်လည်ရရှိသော အကျိုးကျေးဇူးချင်း မတူညီနိုင်ကြချေ ။ တရားဓမ္မဧ။်
အကျိုးအပြစ်ကို ပိုမိုသိရှိကာ တရားအားထုတ်သူက ပိုမို၍ အကျိုးကျေးဇူး ခံစားရရှိလေသည် ။

ထို့ကြောင့် ဘုရားရှင်က အရှင်သာရိပုတ္တရာအား ပေးလှူသော အလှူဒါန နှင့် အရှင်သာရိပုတ္တရာက ဘုရားရှင်အား ပေးလှူသော
အလှူဒါနတွင် လှူဖွယ်ဝတ္ထုပစ္စည်း တူသည်ရှိသော် မည်သည့်ဒါနက ပို၍အကျိုးကျေးဇူး ပြန်လည်ရရှိနိုင်ပါသနည်းဟု မေးသော်
ဘုရားရှင်က အရှင်သာရိပုတ္တရာအား လှူသော အလှူက ပိုမိုကျေးဇူးရှိကြောင်း အဋ္ဌကထာ မှ ဖွင့်ဆိုထားပါသည် ။

အကြောင်းသော်
တရားတော်ဧ။် အကျိုးအာနိသင်ကို ဘုရားရှင်ကဲ့သို့ တစ်စုံတစ်ယောက်သောသူမျှ မသိနိုင်ခြင်းကြောင့်တည်း ။

ဤ၌ သိစေလိုရင်းမှာ တရားကို လိုက်စားလိုသူသည် ပထမရှေးဦးစွာ တရားဧ။် တန်ဖိုးကို တိတိကျကျသိ၍ တရားဧ။် တန်ခိုးအာနိသင်ကို
လေးနက်စွာ သိရှိဖို့ရန် အရေးကြီးကြောင်း သတိမူအပ်ပေသည် ။

ဘုရားရှင် တွေ့ရှိအပ်သော တရားဓမ္မတို့ကို တကယ်တန်း ယုံကြည်လေးစား၍ ရိုသေစွာ လိုက်နာ ပြုကျင့်သည် ဆိုပါက ၊ ထိုသူသည်
နောင်တမလွန် ဘဝကျမှ အကျိုးကျေးဇူးကို ခံစားရမည် မဟုတ် ၊ ယခုမျက်မှောက် ဘဝတွင်လည်း နေ့ခြင်း ညခြင်း အခါမလင့် အကျိုး
ကျေးဇူး ခံစားနိုင်သည်သာ ဖြစ်ပေသည် ။

တရားဂုဏ်တော်တို့၌ -- မြတ်စွာဘုရားရှင်သည် ကောင်းစွာ ဟောတော်မူအပ်သော(သွက္ခာတော) တရားတော်သည် ကိုယ်တိုင် သိမြင်ခြင်းငှာ
(သန္ဒိဋ္ဌိကော) ထိုက်ဧ။် ။

အခါမလင့် ပစ္စုပ္ပန်မျက်မှောက်၌(အကာလိကော) အကျိုးကိုပေးတတ်ဧ။် ။ လာလှည့် ရှုလှည့်(ဧဟိပဿိကော) ဟူသော
စကားကို ဆိုခြင်းငှာ ထိုက်ဧ။် ။

နတ်ရွာနိဗ္ဗာန်သို့ ဆောင်ခြင်း(သြပနေယိကော) ငှာထိုက်ဧ။် ။ ပညာရှိတို့သည် အသီးသီး မိမိတို့၌ သိအပ် ခံစားအပ်
(ပစ္စတ္တံ ဝေဒိတဗ္ဗော, ဝိညူဟိ) ပေဧ။် ။
ဟူ၍ လာရှိလေသည် ။

အထက်ပါ တရားဂုဏ်တော်ပါအတိုင်း တရားဓမ္မဧ။် အကျိုးကို သိနိုင်သမျှ သိရှိအောင် အခါမပြတ် ပညာရှိ သူတော်ကောင်းများထံ ဆည်းကပ်မှီဝဲပြီးလျှင်
တရားဓမ္မ စာအုပ်ကောင်းများကို အချိန်သီးသန့် ပေးပြီး ဖတ်နိုင်သမျှ ဖတ်၍ ကြိုးစားအားထုတ်ပါက သာမန်သိကာ အားထုတ်သည်ထက် အဆပေါင်း
များစွာ တိုးပွားဖွံ့ဖြိုး အကျိုးကျေးဇူးများကို ခံစားရမည် ရှိပေသည် ။

ထိုတရားတွေကို နားလည်ဖို့ရာလည်း ရဟန်းတော်များ စာသင်သလို နှစ်ရှည်လများ လေ့လာနေကြရမည်မဟုတ်ပါ ၊ ယုံကြည်စိတ်ချရသော, တတ်သိနားလည်သော
ပညာရှိသူတော်ကောင်း ၊ ဆရာသမား ၊ မိခင်ဖခင် ၊ ဓမ္မမိတ်ဆွေ တို့ထံမှလည်းကောင်း ၊ တရားလမ်းမှန်ရေးသားထားသော စာကောင်းပေမွန်တို့မှလည်းကောင်း ၊
တရားတော်ဧ။် အနှစ်သာရ အကျိူးကျေးဇူးများကို တွေ့မြင်သိရှိလာနိုင်ပေသည် ။

ထို့ကြောင့် " မိုးကုန်မှ ထွန်ချ ၊ မျက်စိကန်းမှ ရက်ကန်းသင် ၊ နေဝင်မှ စပါးလှန်း ၊
သူခိုးပြေးမှ ထိုးကွင်းထ ၊ လူမိုက်နောက်မှ အကြံရခြင်းမျိုး " မဖြစ်ရလေအောင် ၊ ဗုဒ္ဓဘာသာ တရားတော်၌ သိထိုက်သော လိုရင်းအချက်များကို လက်မလွန်ခင်
(အသက်ရှင် သတိကောင်းနေစဉ်) စောစောက ကြိုတင်၍ သိရှိနားလည်အောင် ကြိုးစားလေ့လာသင်ယူဖို့ရန် အထူး လိုအပ်ပေသည် ။

တရားတော်သည်ကား
သေချာစွာ နားလည်သဘောပေါက်၍ နှစ်သက်မြတ်နိုးစွာ သဘောကျနေပါလျှင် ယခုဘဝ တွေ့ကြုံ နေကြရသော ဒုက္ခဆင်းရဲမျိုးစုံကို ငြိမ်းစေသည့်အပြင် ၊
နောင်သံသရာ၌ တွေ့ကြုံလာရမည့် ဘေးဒုက္ခ အပူမီး အပေါင်းကို ငြိမ်းစေနိုင်လေသည် ။
ဓမ္မော ဟဝေ ရက္ခိတိ ဓမ္မစာရီ ။ ။

အကြင်သူသည် တရားကို လေ့ကျင့် စောင့်ရှောက်ဧ။် ၊ ထိုတရားကို ရိုသေလေးစား ကျင့်သုံးသူအား တရားသည် ပြန်၍ စောင့်ရှောက်ဧ။် ။
ကမ္မံ သဒိသံ ပါကံ ဇနေတိ ။ ။

ပြုအပ်ပြီးသောအလုပ်(ကံ) သည် ၊ ထိုပြုအပ်သော အလုပ် နှင့်တူမျှသော ၊ ကောင်းကျိုး, မကောင်းကျိုးကို ၊ ဖြစ်စေတတ်ဧ။် ။

ကလျာဏကာရီ ကလျာဏံ၊ ပါပကာရီစ ပါပကံ ။ ။

ကောင်းမှုကို ပြုလေ့ရှိသောသူသည် ကောင်းကျိုးကိုရနိုင်ဧ။် ။ မကောင်းမှုကို ပြုလေ့ရှိသောသူသည် မကောင်းကျိုးကို ရလေဧ။် ။

ဤသို့လျှင် တရားတော်ဧ။် ဂုဏ်တော် ကျေးဇူးတော်ကို သိ၍ ရိုသေလေးစား လိုက်နာကျင့်ကြံသူတို့အား ထိုက်သည့်အားလျော်စွာ ပြန်လည်အကျိုးပေးခြင်းမှာ ဓမ္မနိယာမကြီးဖြစ်၍ ၊
အနည်းငယ်မျှသာ သိသော် အနည်းငယ်မျှသာ အကျိုးပေးမည်ကိုလည်းကောင်း ၊ များပြားစွာ သိသော် များပြားစွာ အကျိုးကျေးဇူး ပြန်လည်ရရှိမည်ကို လည်းကောင်း သတိပြုအပ်ဧ။် ။

ထို့ကြောင့် ဗုဒ္ဓဘာသာဝင်အပေါင်းတို့သည် ဘုရား ၊တရား ၊ သံဃာ ရတနာမြတ်သုံးပါးဧ။် ဂုဏ်ကျေးဇူးတို့ကို လေ့လာသင်ကြား လေးစားရိုသေစွာ သိရှိနားလည် ထားသင့်လှပေသည် ။

အပ္ပမာဏော ဗုဒ္ဓော ။ ။ ဘုရားရှင်ဧ။် ဂုဏ်ကျေးဇူးတော်သည်ကား ဤရွေ့ ဤမျှဟု နှိုင်းဆရေတွက်ခြင်းငှာ မတတ်နိုင် ။
အပ္ပမာဏော ဓမ္မော ။ ။ တရားတော်ဧ။် ဂုဏ်ကျေးဇူးတော်သည်ကား ဤရွေ့ ဤမျှဟု နှိုင်းဆရေတွက်ခြင်းငှာ မတတ်နိုင် ။

အပ္ပမာဏော သံဃော ။ ။ သံဃာတော်မြတ်ဧ။် ဂုဏ်ကျေးဇူးတော်သည်ကား ဤရွေ့ ဤမျှဟု နှိုင်းဆရေတွက်ခြင်းငှာ မတတ်နိုင် ။
အပ္ပမာဏ ဝန္ဒန္တာနံ ။ ။ ဤရွေ့ ဤမျှဟု နှိုင်းဆရေတွက်ခြင်းငှာ မတတ်နိုင်အောင် များသော ဂုဏ်ကျေးဇူးတော်ရှိသော ဘုရား ၊တရား ၊ သံဃာ ရတနာမြတ်သုံးပါး၌
ကြည်ညိုမြတ်နိုး ရှိခိုးပူဇော်ကြကုန်သော သူတို့အား ၊

ဝိပါကော ဟောတိ အပ္ပမာဏော ။ ။ ရသင့်ရထိုက်သော အကျိုးတို့မှာလည်း ၊ ဤရွေ့ ဤမျှဟု နှိုင်းဆခြင်းငှာ မတတ်နိုင်ခြင်းသည် ဖြစ်လေဧ။် ။

(စတုကင်္ဂုတ္တရ ပါဠိတော်) ။