အရှင်ဘုရား၊ ဘုရားအနေကဇာတင်ခြင်းနှင့် စပ်လျဉ်း၍ ပြည့်ပြည့်စုံစုံ ဖြေကြားပေးပါရန် ရိုသေစွာ လျှောက်ထားအပ်ပါသည်ဘုရား။
(မလှလှမြင့်-သာကေတ)


(ဖြေ)
အနေကဇာတင်ခြင်းကိစ္စသည် မြန်မာပြည်တွင် ပုဂံခေတ်က စခဲ့သည်ဟု ဆိုကြ၏။ ရှေးအခါက ပုဂံပြည်မှာ ဘုရားစေတီပုထိုးအများကြီး တည်ကြသည်။ တည်ပြီးသောအခါ ပူဇော်ပွဲအမျိုးမျိုး ပြုလုပ်ကြရာ၌လည်း ရွတ်ဖတ်ပူဇော်မှုပါ ထည့်သွင်း၍ ပူဇော်သမှုပြုကြသည်။

ထိုတွင် ဘုရားအသစ် ပူဇော်ခြင်းဖြစ်သော ကြောင့် ဘုရားဖြစ်စကိုမှန်း၍ စိတ်ဖြင့်၎င်း၊ နှုတ်ဖြင့်၎င်း၊ ပွားများဆင်ခြင်သောတရားတော်များကို ရွတ်ဆိုကြရန် စီမံကြခြင်းဖြစ်သည်။

ဘုရားရှင်သည် ဘုရားဖြစ်စ ပထမသတ္တာဟ ဗောဓိပင်ရင်းတွင် တဏှာကျွန်အဖြစ်မှ လွတ်ခဲ့ပုံကို အနေကဇာတိ သံသာရံ -စသော ဂါထာဖြင့် စိတ်တော်၌ ဆင်ခြင်တော်မူပါသည်။ ထို့နောက် ပဋိစ္စသမုပ္ပါဒ် အနုလုံ၊ ပဋိလုံတို့ကို စိတ်တော်ဖြင့်ပင် ဆက်လက် ဆင်ခြင်တော်မူပါသည်။

ထို့နောက် စိတ်တော်ဖြင့် ဆင်ခြင်ရသည်ကို အားရတော်မမူသောကြောင့် နှုတ်ဝစီဖြင့် ယဒါ ဟဝေ -စသော ဂါထာတော်များကို ၀မ်းမြောက်ဝမ်းသာ ဥဒါန်းကျူးရင့်တော်မူပါသည်။

တဖန် စတုတ္ထသတ္တာဟ၌ အဘိဓမ္မာ ၇-ကျမ်းကို ဆင်ခြင်တော်မူရာ ပဋ္ဌာန်းကျမ်းတော်ကြီးအရောက်တွင် ရောင်ခြည်တော်များ ထွက်ပါသည်။ ၄င်းကိုရည်ရွယ်၍ ပဋ္ဌာန်း ၂၄-ပစ္စည်း ရွတ်ပါသည်။

ဆက်လက်၍ အောင်ဂါထာများပါဝင်သော ပဗ္ဗဏှသုတ်ကို ရွတ်ပွားဆုတောင်းပါသည်။ အလွန်ကောင်းမွန်သော အစီအစဉ်ဖြစ်ပါသည်။ ကြည်ညိုဖွယ်ရာ၊ စိတ်ကြည်နူးဖွယ်ရာ၊ ၀မ်းမြောက်ပီတိဖြစ်စရာ ကောင်းလှပါသည်။ ထိုရွတ်ဖတ်ပူဇော်သော တရားတော်တို့တွင် အနေကဇာတိ သံသာရံ-သည် အစဦးဆုံးရွတ်ဆိုသော တရားဖြစ်၍ အနေကဇာတင်သည်ဟု သတ်မှတ်ပြောဆိုကြခြင်း ဖြစ်သည်။

ဘုရားအဖြစ်သို့ ရောက်ချိန်မှာ မိုးသောက်ယံဖြစ်သောကြောင့် အရုဏ်တက်ချိန်မှာ ဆောင်ရွက်ခြင်းသည် သဘာဝကျသော အစီအစဉ်ဖြစ်ပါသည်။
ရှင်လူအများ ဘုရားပူဇော်ကြသည်မှာ ဗုဒ္ဓံ-သက်တော်ထင်ရှား သဗ္ဗညုမြတ်စွာဘုရားကို၊ ဥဒ္ဒိဿ-ရည်မှန်း၍ -ဟုဆိုသဖြင့် အနေကဇာ မတင်သော်လည်း သက်ရှိထင်ရှား ဘုရားအဖြစ်ကို ရည်မှန်း၍ ပူဇော်လျှင် ဘုရားပူဇော်ရကျိုး ရရှိပြီးဖြစ်ပါသည်။