အရှင်ဘုရား၊ အိပ်ပျော်နေစဉ် ဘ၀င်စိတ်ဖြစ်ပြီး အိပ်မက်မက်သောအခါ မည်သည့်စိတ်ဖြစ်ပါသနည်း။ လူတယောက်သည် အိပ်ပျော်နေစဉ် လမိုက်ည၌ အိပ်ရာမှထကာ အိမ်အပြင်ရှိ ထင်းတုံးများကို ပုဆိန်ဖြင့် ခွဲစိတ်ပြီး ပြန်အိပ်ပါသည်။ မိုးလင်းသောအခါ ခွဲထားသောထင်းများကို သူခွဲမှန်းမသိတော့ပါ။
ထိုသူ ထင်းခွဲစဉ် ဖြစ်ပေါ်သောစိတ်သည် မည်သည့်စိတ် ဖြစ်ပါသနည်း။ ဖြေကြားပေးပါရန် လျှောက်ထားအပ်ပါသည်ဘုရား။
(အဘိဓမ္မာသင်တန်းသူ တဦး-ကမ္ဘာအေး)
(ဖြေ)
အိပ်မက်မက်ချိန်ဖြစ်သောစိတ်သည် မနောဒွါရ၀ီထိစိတ် ဖြစ်သည်။ ထင်ရှားသော အိပ်မက်ဖြစ်လျှင် ၀ိဘူတာရုံ မနောဒွါရ၀ီထိစိတ်ဖြစ်ပြီး မထင်ရှားသော အိပ်မက်ဖြစ်လျှင် အ၀ိဘူတာရုံ မနောဒွါရ၀ီဌိစိတ် ဖြစ်သည်။
အိပ်မက်မက်ခြင်း အကြောင်းများကို ပါရာဇိကဏ် အဋ္ဌကထာတွင် ဖော်ပြရာ၌
(က) ရှေ့ဖြစ်မည့်ကိစ္စများကို ကြိုတင်သိမြင်သော ပုဗ္ဗနိမိတ် အနေဖြင့်၎င်း။
(ခ) နတ်များက ဆောင်ပြခြင်းကြောင့်၎င်း။
(ဂ) ဓာတ်ချောက်ချားခြင်းကြောင့်၎င်း။
(ဃ) စိတ်စွဲလမ်း အားကြီးသောကြောင့်၎င်း မက်တတ်ပါသည်။
ထင်းခွဲစဉ်ဖြစ်သောစိတ်မှာ ပဉ္စဒွါ၊ မနောဒွါရ ၀ီထိစိတ်များ ဖြစ်ပါသည်။ တခုခု ဆောင်ရွက်လုပ်ကိုင်စဉ် ၀ီထိစိတ်သာ ထင်ရှားသည်။ ဘ၀င်စိတ် မထင်ရှားပါ။ မနက်မိုးလင်း၍ မသိခြင်းမှာ သတ္တ၀ါတို့၏ မေ့တတ်သော ပမာဒတရားကြောင့် ဖြစ်ပါသည်။