အရှင်ဘုရား ရှေးရှေး မြတ်စွာဘုရားတို့လက်ထက်က အနာဂါမ်ဖြစ်၍ သုဒ္ဓါဝါသဘုံသို့ရောက်ပြီး ရဟန္တာဖြစ်နေသော ဗြဟ္မာကြီးများ ရဟန္တာဘ၀ဖြင့် ဘုမ္မစိုးနတ်မင်းကြီးများဖြစ်ကာ ဤလူ့ပြည်မှာပင် တကမ္ဘာအထိ သက်တမ်းရှိကြသော ရဟန္တာနတ်မင်းကြီးများ ရှိကြသည်ဟုဆိုပါသည်။
ဘုရားသာသနာတော် အတွင်းမှာသာ မဂ်တရား ဖိုလ်တရားများကို ရရာရကြောင်း ၀ိပဿနာတရားများ ရှိနိုင်သည်၊ ဘုရားသာသနာကွယ်လျှင် ထိုတရားများ မရှိတော့ဘူးဟု သိရပါသည်၊ သက်တမ်းရှည်သော ရဟန္တာ ဗြဟ္မာမင်းကြီး၊ နတ်မင်းကြီးတို့ ရှိနေလျက် သာသနာကွယ်နေသည် ဆိုသည်မှာလည်း စဉ်းစားရခက်ပါသည်။
ဘုရားအလောင်းတော်သည် ဒုက္ကရစရိယာအကျင့်ကို နိဗ္ဗာန်ရောက်ကြောင်း အကျင့်-ဟု မှားယွင်းပြီး ကျင့်နေသည့်အခါ ထိုရဟန္တာဗြဟ္မာကြီးများ၊ နတ်မင်းကြီးများက လမ်းမှားကျင့်နေမှန်း သိပါလျက် အဘယ့်ကြောင့် လမ်းမှန်းရောက်အောင် သတိမပေးဘဲ နေကြပါသနည်း၊ ဤပြဿနာ နှစ်ရပ်ကို ရှင်းပြပေးတော်မူပါဘုရား။
( ဦးတင်အုန်း-အခန်း ၃၊ တိုက် ၇၄၊ သုဝဏ္ဏမြို့ )
( ဖြေ )
ရှေးရှေးဘုရားများ လက်ထက်က ရဟန္တာဖြစ်ခဲ့ကြသည့် ဗြဟ္မာကြီးများ၊ နတ်မင်းကြီးများ ဤဘုရားလက်ထက်အထိ ရှိနိုင်ကြသည်မှာ မှန်ပါသည်၊
ဘုရား တဆူနှင့်တဆူ အကြားသည် သာသနာပ ဖြစ်သည်၊ သာသနာပ အခါကာလ၌လည်း ၄င်းတို့ သက်ရှိထင်ရှား ရှိနေသည်မှာ မှန်ပါသည်၊
ဘုရားသာသနာပ အခါတွင် မဂ်ဖိုလ်တရားများ ကွယ်သွားပြီဆိုသည်မှာ ၄င်းတရားများကို ဟောပြောမှု အားထုတ်မှု ရရှိမှုများ ကွယ်သွားကြောင်းသာ ဆိုပါသည်၊ အဆိုပါ ဗြဟ္မာကြီး နတ်မင်းကြီးများက
၎င်းတရား ရရှိနေပြီး ၄င်းတို့တရားနှင့် ၄င်းတို့နေကြသည် အခြားသူကို ဟောပြောခြင်း၊ အားထုတ်စေခြင်း မပြုနိုင်ပေ၊ ယင်းသို့ မဟောပြောနိုင် အားမထုတ်စေနိုင် တရားမရရှိစေနိုင်ခြင်းသည်ပင် သာသနာကွယ်နေခြင်းပင် ဖြစ်သည်၊ သာသနာပ၌ ပစ္စေကဗုဒ္ဓါများလည်း ၄င်းတို့ဘာသာ တရားရနိုင်ကြပါသည်၊ သို့သော် ဟောပြောခြင်း တရားရစေခြင်းကို မတတ်နိုင်ကြပါ။
မြတ်စွာဘုရားမဖြစ်မီ ဒုက္ကရစရိယာ ကျင့်မှုမှာ ဘုရားလောင်းတော်တိုင်း၏ သဘာဝပင်ဖြစ်သည်၊
ဘုရားမဖြစ်မီ အနည်းဆုံး ၇-ရက် အများဆုံး တလမျှ ကျင့်ဖြစ်အောင် ကျင့်ရသည်၊
( ဂေါတမမြတ်စွာဘုရား အလောင်း ခြောက်နှစ်ကျင့်ရသည်မှာ ၀စီဘေဒ ၀ိပါကကြောင့်သာ ဖြစ်ပါသည် )
ဒုက္ကရစရိယာအကျင့်ကို ကျင့်ရသည်မှာ ဘုရားအလောင်းတော်များသည် အရေမျှ ကြွင်းပါစေ၊
အကြောမျှ ကျန်ပါစေ၊ အရိုးမျှ ကြွင်းပါစေ၊ အသားအသွေး ခန်းခြောက်သွားမူ သွားပါစေ-ဟူသော အင်္ဂါလေးပါးရှိသည့် မည်သူမျှမတုပနိုင်သော ၀ီရိယလုံ့လတော်ဖြင့် အားထုတ်ရမြဲဖြစ်သည်၊
ပါရမီတော် ၁၀-ပါး၊ အပြား ၃၀-ပြည့်စုံ၍ ဘုရားအဖြစ်ကို လွယ်လွယ်ပင် ရနိုင်သော်လည်း မြတ်စွာဘုရားတို့သည် မည်သူမျှ အားမထုတ်နိုင်သော အားထုတ်မှုမျိုးကို အားထုတ်၍ လောကတွင်ရှိသမျှ အားထုတ်မှုအားလုံးကို အဆုံးတိုင် အားထုတ်တော်မူပြီးမှ လမ်းမှန်သို့ရောက်ရှိ၍ ဘုရားအဖြစ်ကိုရကြောင်း သိစေလိုခြင်းနှင့် အတ္တကိလမထအကျင့်သည် အမြတ်တရားရကြောင်း မဟုတ်၊ မဇ္ဈိမပဋိပဒါ အကျင့်သာ အမြတ်တရားရကြောင်း ဖြစ်ပုံကို သိစေလိုခြင်း၊ လက်တွေ့အကျင့်နှစ်မျိုးကို နှိုင်းယှဉ်ပြလိုခြင်းအားဖြင့်လည်း ဒုက္ကရစရိယာအကျင့်ကို ကျင့်ရခြင်းဖြစ်သည်၊
ထို့ပြင် လောကဥပမာအားဖြင့် ခမည်းတော် နတ်ရွာစံ၍ အလွယ်တကူ မင်းဖြစ်ရသူထက် စစ်တိုက်၍ ထီးနန်းကို ရရှိ မင်းဖြစ်ရသူက မင်းအဖြစ်ကို ပိုမို၍ ၀မ်းမြောက်ကျေနပ် နှစ်သိမ့်ရသကဲ့သို့ တိုင်းသူပြည်သားတို့၏ လေးစားမြတ်နိုးမှုကို ရသကဲ့သို့ ဘုရားအဖြစ်ကိုလည်း အလွယ်တကူ ရယူခြင်းထက် ခဲခဲယဉ်ယဉ်း ရယူခြင်းဖြင့်သာ နတ်လူသတ္တ၀ါတို့ လေးစားမြတ်နိုးမှု ပိုမိုလာဖွယ်ဖြစ်ရသည်၊ ထိုသို့ ဘုရားအလောင်းတော် တို့၏ ဓမ္မတာသဘာဝ ဒုက္ကရစရိယာ ကျင့်သုံးရခြင်းကို ရဟန္တာ ဗြဟ္မာကြီးများ သိသည်ဖြစ်စေ၊ မသိသည်ဖြစ်စေ၊ လာရောက်သတိပေးခြင်း လမ်းမှန်ရောက်ရအောင် ထောက်ပြပြောဆိုခြင်း ပြုရန်ကား အရာမဟုတ်ပေ၊ သိသည့်တိုင်အောင်လည်း ဘုရားလောင်းအား စောင့်ရှောက်ပေးရန်မှတပါး မည်သို့မျှ အကူအညီမပေးနိုင်ချေ။ မြတ်စွာဘုရားတို့သည် ဆရာမကူ သယမ္ဘူဉာဏ်ဖြင့် အလိုလိုသာ သစ္စာလေးပါးကို သိကြရမြဲ ဖြစ်ပါသည်။