အမေ။ ။အရှင်ဘုရား…အမျှဝေတဲ့လင်္ကာမှာ မပြတ်စဉ်လာ၊သတ္တာဝါသ၊ ဘုံကိုးဝနှင့်၊ ၀ိညာဏဌိတိ၊ တည်ရှိခုနှစ်ပါး၊ ဆိုတာကို သဘောမပေါက် တဲ့အတွက် တပည့်တော်ကိုဖြေကြားပေးတော်မူပါဦးဘုရား။
မောင်အောင်မျိုးလွင်
ရုရှား(ခေတ္တ)

အဖြေ။ ။ဝိညာဏဌိတိ ၊တည်ရှိခုနှစ်ပါးဆိုတာ ပဋိသန္ဓေ၀ိညာဏ်ရဲ့တည်ရာ ခုနှစ်ပါးကို ပြောပါတယ်။ ခုနှစ်ပါးသရုပ်ကိုပြောရရင်..
(၁) လူ့ပြည်၊ နတ်ပြည်ခြောက်ထပ်မှာ ဖြစ်ကြတဲ့ သတ္တ၀ါများမှာ ကိုယ်သဏ္ဍန်က အထူးထူးအပြားပြားရှိပြီး၊ ပဋိသန္ဓေစိတ်လည်းအမျိုးမျိုးရှိတဲ့ အတွက် နာနတ္ထကာယ၊ နာနတ္ထသညီမည်တယ်။
(၂) ပထမဈာန် ၃ ဘုံ၊ အပါယ်လေးဘုံ ဒီခုနှစ်ဘုံမှာဖြစ်ကြတဲ့သတ္တ၀ါများမှာ ကိုယ်သဏ္ဍန်က အထူးထူးအပြားပြားရှိပြီး၊ ပထမဈာန် ၃ ဘုံမှာတော့ ပထမဈာန်ဝိပါက်စိတ်ဆိုတဲ့ ပဋိသန္ဓေစိတ်ဖြစ်ပြီး၊ အပါယ်လေးဘုံမှာတော့ အကုသလ၀ိပါက်သန္တီရဏစိတ်ဆိုတဲ့ ပဋိသန္ဓေစိတ်တစ်ခုစီသာဖြစ် ကြပါတယ်။ ဒါကြောင့် ဒီခုနှစ်ဘုံမှာ ကိုယ်သဏ္ဍန်က အမျိုးမျိုးဖြစ်ပြီး၊ ပဋိသန္ဓေစိတ်ကတော့တစ်မျိုးစီသာရှိပါတယ်။ဒါကြောင့် နာနတ္ထကာ၊ ဧကတ္ထသညီမည်တယ်။
(၃) ဒုတိယဈာန်သုံးဘုံမှာဖြစ်ကြတဲ့သတ္တ၀ါများရဲ့ ကိုယ်သဏ္ဍန်အရောင်အ၀ါက တူကြပြီး၊ ဒုတိယဈာန်ဝိပါက်စိတ်၊ တတိယဈာန်ဝိပါက်စိတ်ဆိုတဲ့ ပဋိသန္ဓေစိတ်အမျိုးမျိုး ရှိကြတယ်။ဒါကြောင့် ဧကတ္ထကာယ၊ နာနတ္ထသညီမည်တယ်။
(၄) တတိယဈာန် ၃ ဘုံ၊ ဝေဟပ္ဖိုလ်ဘုံ၊သုဒ္ဓါဝါသ ၅ ဘုံတို့မှာဖြစ်ကြတဲ့ သတ္တ၀ါများရဲ့ကိုယ်ဏ္ဍန်မှာ တူညီကြပြီး၊ပဋိသန္ဓေစိတ်ကလဲ စတုက္ကနည်း အားဖြင့် စတုတ္ထဈာဝိပါက်စိတ် တစ်မျိုးသာရှိပါတယ်။ဒါကြောင့် ဧကတ္ထကာယ ဧကတ္ထသညီမည်တယ်။
(၅-၆-၇)အာကာသာနဉ္စာယတန (၆)၀ိညာဏဉ္စာယတန (၇)အာကိဉ္စညာယတန ဆိုတဲ့ အရူပသုံးဘုံတို့ရဲ့သတ္တ၀ါများဟာ ပဋိသန္ဓေ၀ိညာဏ်စိတ် တစ်မျိုးစီသာ ဖြစ်ကြတယ်။ တစ်ဘုံစီယူရင် ၀ိညာဏဌိတိ ၇ ပါးဖြစ်တယ်။
တဖန် သတ္တာဝါသ ဘုံကိုးဝဆိုတာက အထက်ဖေါ်ပြပါ ၇ ပါးမှာ နေ၀သညာနာသညာဘုံတစ်ပါးနဲ့အသညသတ်ဘုံတို့ကိုထည့်ပြီး ဘုံကိုးပါးယူရပါတယ်။

စာရေးသူ- ဦးကောဝိဒ(မြိတ်)