အမေး။ ။ အရှင်ဘုရား…အကြွေးပေးပြီးလို့ ပြန်မရမှန်းသိတဲ့အခါ ဒီအကြွေးကို ငါလှူလိုက်မယ်လို့ ဆိုပြီး လှူရင် ကုသိုလ်ရပါသလားဘုရား။ နောက်တစ်ခုက ၀ါလတ်လှေ၊ ငါးဝိုင်းလှေတွေရဲ့ အကုသိုလ်ခွဲတမ်းကိုလဲ သိချင်ပါတယ်ဘုရား။
တိုင်းအုပ်ကျော်
မြိတ်

အဖြေ။ ။အကြွေးနဲ့ပတ်သက်ပြီး အကြွေးပေးတဲ့သူ နှစ်မျိုးရှိတယ်။ (၁) အကြွေးယူထားတဲ့သူက ပြန်မဆပ်နိူင်ဘူးဆိုပါစို့၊ အဲဒီအချိန်မှာ အကြွေးပေးသူက “ချေးထားတဲ့အကြွေးတွေကို သူ ပြန်မဆပ်နိူင်တဲ့ အခြေအနေ မရှိဘူး။ အကြွေးမဆပ်နိူင်တာကို တွေးပြီး သူစိတ်ဆင်းရဲနေလိမ့်မယ်၊ မတော်လို့သေသွားမယ်ဆိုရင် စိတ်ထားဖြောင့်မှာလဲမဟုတ်ဘူး။ သူဒုက္ခ ရောက်လိမ့်မယ်၊ မဖြစ်ဘူး၊ ဒီအကြွေးကို ငါမယူတော့ဘူး၊ ဒါမှသူစိတ်ချမ်းမှာ” လို့နှလုံးသွင်းပြီး၊ “ ယူထားတဲ့အကျွေးတွေကို ပြန်မဆပ်ပါနဲ့တော့” လို့ဆိုကာ အကြွေးယူသူအား အပြီးလှူလိုက်တာပါ။ ဒါဟာ လူသားချင်းစာနာတဲ့သဘောသက်ဝင်နေတယ်၊ မေတ္တာ၊ကရုဏာဆိုတဲ့ ဗြဟ္မစိုရ်တရားနဲ့လဲ ပြည့်စုံနေတယ်။ဒါကြောင့် အကြွေးမရမှန်းသိပေမဲ့ ကြည်ကြည်ဖြူဖြူ ပေးလှူလိုက်တဲ့အတွက် အကြွေးပေးသူမှာ ကုသိုလ်ရပါတယ်။
ဒုတိယအကြွေးပေးသူက “ဒီအကြွေးတွေ ငါမရတော့တဲ့အတူတူ လှူလိုက်တာပဲကောင်းတယ်” ဆိုပြီး လှူလိုက်ပါတယ်။ ဒီဟာက အကြွေးပြန်မရလို့သာ လှူလိုက်ရတာပါ။ တကယ်လို့သာ ပြန်ရမဲ့အခြေအနေရှိရင် လှူမှာမဟုတ်ပါဘူး။ ဒါကြောင့် ဒုတိယအကြွေးပေးသူဟာ ဘယ်လိုပဲလှူတယ်ပြောပြော ကုသိုလ်မရပါဘူး။
ဒါကြောင့် အကြွေးပေးတဲ့သူ နှစ်ယောက်ထဲမှာ ပထမတစ်ယောက်သာ ကုသိုလ်ရပြီး၊ ဒုတိယတစ်ယောက်ကျတော့ ကုသိုလ်လုံးဝ မရတဲ့အပြင် အကုသိုလ်ပဲ ရမှာဖြစ်တယ်။
ဒုတိယအမေးက…. “အကုသိုလ်ခွဲတမ်း၊ အကုသိုလ်ဝေစု” တဲ့ဘယ်လိုပဲပြောပြော အမေးက ဆန်းသစ်နေတယ်။ လူတွေသိသင့်သိထိုက်တဲ့ အရာမို့ လို့ စိတ်ဝင်စားစရာလဲ ကောင်းလှပါတယ်။
ပါဏာတိပါတကံထိုက်တဲ့အင်္ဂါများရှိပါတယ်။ (၁)သတ္တ၀ါမှန်းသိခြင်း၊ (၂)သတ်လိုတဲ့စိတ်ရှိခြင်း၊ (၃) လုံ့လအားစိုက်ခြင်း၊ (၄) သေခြင်းဆိုတဲ့ အင်္ဂါ လေးချက်နဲ့ပြည့်စုံရင် ပါဏာတိပါတကံထိုက်ပါတယ်။ ငါးဖမ်းလှေမှာပါဝင်တဲ့သူများဟာ ဖေါ်ပြပါ အင်္ဂါလေးချက်နဲ့ပြည့်စုံနေတယ်ဆိုရင်တော့ ပါဏာတိပါတကံထိုက်ပါတယ်။ မပြည့်စုံရင် မထိုက်ဘူးလို့ပဲပြောရပါမယ်။
ဒီနေရာမှာ မေးခွန်းရှင်သိလိုတာက အကုသိုလ် အနည်းအများကို သိချင်တာဖြစ်တယ်။ဒါကြောင့်..
ဝါလတ်လှေများ၊ငါးဝိုင်းလေများနဲ့ပါဝင်ပတ်သက်တဲ့သူများကို စာရင်းကောက်ကြည့်တော့ လှေပိုင်ရှင်၊ ငါးဆရာ၊ ရေရှူး၊ ငါးဖမ်းလုပ်သားများ(လှေသားများ)၊ ပဲ့နင်း၊စက်မောင်းသူ၊ ကုန်းပေါ်ဈေးဝယ်ပေးသူ လို့ သိရပါတယ်။
ထိုသူများအနက် ငါးဖမ်းခိုင်းတဲ့လှေပိုင်ရှင်၊ငါးများများရဖို့ ငါးအုပ်ကို ရှာရတဲ့ ငါးဆရာ၊ ရေရှူး ၊ ငါးဖမ်းသမားများကတော့ ပါဏာတိပါတကံထိုက်ကြတဲ့သူများဖြစ်ကြတယ်။
ပါဏာတိပါတကံထိုက်တဲ့သူများအနက်အကုသိုလ်ဝေစုအများဆုံးရရှိသူက လှေပိုင်ရှင်ဖြစ်တယ်။ ဒုတိယအကုသိုလ်အများဆုံးက ငါးများများရနိူင်အောင် ကြောင့်ကြအစိုက်ရဆုံးဖြစ်တဲ့ ငါးဆရာနဲ့ သူခိုင်းတဲ့အတိုင်းလိုက်လုပ်ရတဲ့ ရေရှူး တို့ပဲဖြစ်ပါတယ်။ တတိယအကုသိုလ်အများဆုံးက ငါးဖမ်းတဲ့ လှေသမားများဖြစ်တယ်။
ပဲ့နင်းနဲ့စက်ဆရာကျတော့ ငါးဖမ်းရာမှာလဲမပါတဲ့အပြင် ငါးဆရာညွန်တဲ့လမ်းအတိုင်း လှေကိုမောင်းပေးရပါတယ်။ စက်ဆရာဆိုရင်လဲ စက်သာမောင်းနေရတာ ငါးဖမ်းတဲ့နေရာမှာ မပါဝင်ပါဘူး။ ဒါကြောင့် ပဲ့နင်းနဲ့စက်ဆရာကတော့ ပါဏာတိပါတကံ မထိုက်တာကများပါတယ်။ အကုသိုလ်ဖြစ်တောင်မှ အနည်းဆုံးပဲ ဖြစ်ကြမှာပါ။ နောက်ဆုံးတစ်ယောက်က ကုန်းပေါ်က ဈေးဝယ်သူပါ။သူက ပိုင်ရှင်ခိုင်းတဲ့အတိုင်း ဈေးသာဝယ်ပေးရတဲ့အတွက် ပါဏာတိပါတကံမထိုက်ပါဘူး၊ တကယ်လို့ အကုသိုလ် ဖြစ်တယ်ဆိုတာတောင်မှ မပြောပလောက်ပါဘူး။
ဓမ္မပဒအဋ္ဌကထာ၊ ကုက္ကုဋမုဆိုးဝတ္ထု မှာ သောတာပန်မယားက လင်တော်မောင်မုဆိုးကြီးရဲ့လုပ်ငန်းအတွက် လေးမြားစတာတွေ ယူပေးပါတယ်။ အဲဒီမှာ ရဟန်းတော်များက သောတာပန်ပုဂ္ဂိုလ်ဟာ ပါဏာတိပါတအမှုပြုသေးလားဆိုတဲ့ ပြဿနာကို ပြောဆိုနေကြတယ်၊ ဘုရားရှင်ရောက်တော်မူလာလို့ မေးတော်မူတဲ့အခါ သောတာပန်သူ့အသက်သတ်သေးလားဆိုတဲ့ပြဿနာကို ပြောဆိုနေကြတယ်လို့ ရဟန်းတော်များက ပြန်ဖြေပါတယ်။ အဲဒီမှာဘုရားရှင်က “သောတာပန်ဟာ သူ့အသက်ကိုဘယ်တော့မှ မသတ်တော့ပါဘူး။ လင်ရဲ့အလိုကို ၀တ္တရားအရပြုလုပ်ပေးနေရပေမဲ့ သေစေလိုတဲ့စိတ်မရှိတဲ့အတွက် ပါဏာတိပါတကံမထိုက်ပါဘူး။ ဥပမာ အနာမရှိတဲ့လက်နဲ့အဆိပ်ကိုကိုင်ရင် ထိုလက်ကို အဆိပ်မလောင်နိူင်သလို သတ်လိုတဲ့စိတ်မရှိတဲ့အတွက် လေးမြားယူပေးသော်လဲ အပြစ်မဖြစ်ပါ” လို့ မိန့်ကြားတော်မူပါတယ်။
ဒီကုက္ကုဋမုဆိုးဝတ္ထုသာဓကအရဆိုရင် ပဲ့နင်း၊ စက်ဆရာ၊ကုန်းပေါ်ဈေးဝယ်ပေးသူ သုံးဦးဟာ သေစေလိုတဲ့စိတ်မပါရင် အကုသိုလ်မဖြစ်ပါဘူး။ ဒါပေမဲ့ ဒီသုံးဦးကလဲ ငါးဖမ်းရာမှာ ငါးများများရဖို့ မျှော်လင့်နေကြမယ်ဆိုရင်တော့ အကုသိုလ်ဖြစ်ကြမှာပါ။ တကယ်တန်း ပြောရရင် အကုသိုလ်ဆိုတာ နည်းတာဖြစ်စေ များတာဖြစ်စေ ဘာအကုသိုလ်မှမကောင်းဘူးဆိုတာကိုတော့ သတိထားစေချင်ပါတယ်။ ဒီအဖြေရဲ့အဓိကအရေးကြီးတာက ပါဏာတိပါတထိုက်တဲ့အင်္ဂါလေးချက်နဲ့ ကိုယ်ညီလား၊ မကိုက်ညီလားဆိုတာာပါပဲ။
အချုပ်ပြောလိုတာက အကုသိုလ်မှန်သမျှ ရှောင်ကြဉ်ကြ၊ ကုသိုလ်မှန်သမျှ အားထုတ်ကြ၊ စိတ်ကို ဖြူစင်အောင်ထား ဆိုတဲ့ ဘုရားရှင်ရဲ့သြ၀ါဒတော်တိုင်း လိုက်နာနိူင်က အကောင်းဆုံးပါလို့ပြောရင်း