သီလ၊ သမာဓိ၊ ပညာ၊ ဟုအဆင့်ဆင့် ဆိုရာဝယ်..။
သီလ၊ သမာဓိ၊ ပညာ၊ သိက္ခာသုံးပါး ရှိတဲ့ထဲမှာ ပညာကို လုပ်ရင်သီလနဲ့ သမာဓိဟာ တခါတည်း ပါသွားပါတယ်၊ ဒီအကြောင်းအသေးစိတ်လေး
တင်ပြချင်ပါတယ် ဘုရားရှင် လက်ထက်တော်က မပဋာ ဟာ သွက်သွက်ခါအောင် ရူးသွတ်နေရာမှ ဘုရားရှင်ဟောတဲ့ ခန္ဓာဉာဏ်ရောက် တရား
တွေကို အာရုံစိုက် နာရင်း ရုပ် နာမ် တို့ရဲ့မမြဲတဲ့သဘော၊ ဆင်ရဲတဲ့သဘော၊ ငါမဟုတ်တဲ့သဘော၊ တွေကိုဆင်ခြင် ပွားများနေတယ်၊ ဒါဟာ ပညာ
သိက္ခာအလုပ် လုပ်နေတာပါ ဒီအခါမှာ ရုပ်နာမ်အပေါ် အာရုံစိုက်တဲ့ သမာဓိရယ် ကိုယ် နှုတ်နှစ်ပါး စင်ကြယ်နေတဲ့ သီလ ရယ်ဟာ အလိုလိုပါလာ
ပါတယ် မဂ္ဂင်ရှစ်ပါးမှာ သမ္မာဒိဋ္ဌိ = မှန်ကန်စွာ မြင်ခြင်း၊ သမ္မာသင်္ကပ္ပ = မှန်စွာကြံစည်ခြင်း ဆိုတဲ့ ပညာမဂ္ဂင် အလုပ်လုပ်လိုက်တာနဲ့ ကျန်တဲ့
သမာဓိမဂ္ဂင် နဲ့ သီလ မဂ္ဂင်တို့ဟာ အလိုလိုပါလာ ရတာပါ ဒါကို ကျွဲကူးေ၇ပါ လို့ ခေါ်ရင်ရပါတယ် ပညာမဂ္ဂင် အလုပ်လုပ်လိုက် တာနဲ့ သီလမဂ္ဂင်
နဲ့ သမာဓိမဂ္ဂင်တခါတည်း ပါလာတာပါ၊ သမာဓိမဂ္ဂင် အလုပ် လုပ်တယ်ဆိုရင်တော့ ပညာမဂ္ဂင်က အလိုလို ပါမလာနိင်ပါဘူး သီလမဂ္ဂင်ပဲ ပါသွား
တာပါ ၊ ဥပမာ ဗုဒ္ဓဂုဏ်တော် တွေပွားများနေတယ် ဆိုပါတော့ ဒါဟာ ဂုဏ်တော်တွေ အပေါ်မှာ အာရုံစိုက်နေတဲ့ သမာဓိအလုပ်ကို လုပ်တာပဲ။
ဒီအခါမှာ ကိုယ် နှုတ်နှစ်ပါး စင်ကြယ်ခြင်းဆိုတဲ့ သီလမဂ္ဂင်တော့ပါသွားတယ် ရုပ် နာမ် အဖြစ်အပျက်ကို ထိုးထွင်းသိပြီး မဂ်ဖိုလ်ကို ရစေတဲ့
ပညာမဂ္ဂင်ကတော့ အလိုလို မပါနိင်ဘူး ဆရာကောင်းဆီက ၀ိပဿနာရှုပွားနည်း ကိုနာယူမှတ်သားပြီး ၀ိပဿနာကိုပြောင်းရှု မှဘဲ မဂ် ဖိုလ်ကို
ရနိင်တယ်၊ ဒီမှာပြောစရာ ရှိတာက ဘုရားရှင်ကိုယ်တိုင် ဟောလို့ မပဋာ သောတာပန်တည်တာပါဆိုရင် ဓမ္မပဒ မှာလာတဲ့ သာမာဝတီ မိဖုရားနဲ့
မောင်းမငါးရာ ကို ခုဇ္ဇုတ္တရာ ဆိုတဲ့ကျွန်မဆီကနေ သစ္စာတရားကို နာယူလိုက်ကြတာ တရားအဆုံးမှာ အားလုံး သောတာပန် တည်ကြတယ်။
အချို့သော ပုဂ္ဂိုလ်များကလဲ သမာဓိ အားကောင်းတာနဲ့ ပညာသိက္ခာ အလိုလိုရောက်လာပြီး မဂ်ဖိုလ် ကိုရမယ်လို့ ထင်နေကြတယ် သမာဓိ
အားကောင်းတာနဲ့ မဂ်ဖိုလ် ကိုထိုးထွင်းသိတမ်းဆိုလျှင် ဘုရားအလောင်းကို ဈာန်အဘိညာဉ် ရအောင် ရှုပွားနည်းကိုပေးတဲ့ အာဋ္ဌာရ နဲ့ ဥဒက
ရသေ့တို့ဟာ နိဗ္ဗာန်ကို စံဝင်နေလောက် ပြီပေါ့ သူတို့ရဲ့ဈာန်အဘိညာဉ်နဲ့ယှဉ်တဲ့ သမာဓိဟာ ဘယ်လောက်ထိအားကောင်းသလဲဆို ရှေ့ဖြစ်ပြီး
ကမ္ဘာလေးဆယ် နောက်ဖြစ်လတ္တံ ကမ္ဘာလေးဆယ်ထိအောင် မြင်နိင်တယ် ဒါပေမယ့်သူတို့ရဲ့သမာဓိဟာ ၀ိပဿနာ ဉာဏ်နဲ့ယှဉ်ခွင့်မရတဲ့အတွက်
အခုဆိုရင် ရပ်ပြစ်ရှစ်ပါးထဲမှာ ပါတဲ့ အရူပဗြဟ္မာဘုံကို ရောက်နေရတယ်၊ ဒီမှာသမာဓိ အကြောင်းလေးဆက် ပြောရမယ်ဆိုရင် သမာဓိအမျိုးမျိုး
ရှိတဲ့ထဲကအမြတ်ဆုံးသမာဓိကို ဗုဒ္ဓကိုယ်တော်တိုင် ဖော်ပြထားတာ “ရတနာသုတ်”မှာရှိတယ်။
ယံ ဗုဒ္ဓသေဋ္ဌော ပရိဝဏ္ဏယီ သုစိ၊
သမာဓိ မာနန္တရိကည မာဟု။
မာဓိနာ တေန သမော န ၀ိဇ္ဇာတိ၊
ဣဒမ္ပိ ဓမ္မေ ရတနံ ပဏီတံ။
ဧတေန သစ္စေန သုဝတ္တိ ဟောတု။
ဘုရားရှင်ကိုယ်တော်မြတ်ကြီးသည် မဂ်လေးပါးနှင့် ယှဉ်သော သမာဓိကို ကိလေသာမှ ကင်း၍စင်ကြယ်သော သမာဓိဟု ချီးမွှမ်းမြောက်စား
ဟောတော်မူခဲ့၏ အရိယာမဂ်နှင့် ယှဉ်သောသမာဓိသည် မိမိ၏အခြားမဲ့၌ နိဗ္ဗာန်အကျိုးကို အခါမလင့် အကျိုးပေး၏-ဟူ၍ ဘုရားရှင်တို့သည် ဟော
တော်မူကုန်ပြီ ထိုမဂ်လေးပါးနှင့်ယှဉ်သည့် သမာဓီနှင့်တူသော ရူပ၊ အရူပ သမာဓိသည်မရှိ ဤမဂ်လေးပါးနှင့် သမာဓိသည်သာလျှင် လောကီ
ရတနာတို့ထက် သာလွန် မြင့်မြတ် ချီးမွမ်းအပ်သော ကိုးကွယ်ရာအစစ် ရတနာကြီး ဖြစ်တော်မူ ပေ၏။ ဤမှန်ကန်သော သစ္စာစကားကြောင့်
သတ္တ၀ါများ ကျန်းမာ ချမ်းသာကြပါစေ၊
ဤဒေသနာကို ထောက်ထား၍ သမာဓိ(၇)မျိုးကို အမြတ်ဆုံးမှစစီသော်...
၁။ အရဟတ္တမဂ်နှင့် ယှဉ်သော သမာဓိ၊
၂။ အနာဂါမိမဂ်နှင့် ယှဉ်သော သမာဓိ၊
၃။ သဒါဂါမိမဂ်နှင့် ယှဉ်သော သမာဓိ၊
၎။ သောတာပတ္တိမဂ်နှင့် ယှဉ်သော သမာဓိ၊
၅။ ၀ိပဿနာဉာဏ်နှင့် ယှဉ်သော ဈာန သမာဓိ၊
၆။ ၀ိပဿနာဉာဏ်နှင့် ယှဉ်သော ဥပစာရ သမာဓိ၊
၇။ ၀ိပဿနာဉာဏ်နှင့်ယှဉ်သော ခဏိကသမာဓိ - တို့ဖြစ်ပါတယ်၊
ဒီသမာဓိ (၇)မျိုးထဲမှာ ခဏိကသမာဓိ ဟာအားအသေးဆုံးပါဘဲ စိတ်ဖြစ်တိုင်း လိုက်ဖြစ်ရတဲ့ စေတသိတ် (၇) လုံးထဲက ဧကဂ္ဂတာ စေတသိတ်
ကို ခဏိကသမာဓိလို့ ပြောတာပါ ခဏိကသမာဓိ တည်ဖို့ အတွက်သမထ ကမ္မဋ္ဌာန်းတွေကိုအထူး ပွားစရာမလိုပါဘူး မိမိစိတ်ဝင်စားတာကို အာရုံ
စိုက်လိုက်တာနဲ့ ခဏိကသမာဓိ တည်သွားတာပါတယ်၊ အရပ်ပြောပြောရရင် ည(၇) နာရီမှာကိုရီးယားကား ကြည့်တယ်ဆိုရင် မပြီးမခြင်း စိတ်ဟာ
တီဗွီဖန်သားပြင်ကနေ ဘယ်မှမသွားတော့ဘူး အမျိုးသားတွေ ကျားကစားတဲ့အခါ စစ်တုရင်ကစား တဲ့အခါ အကွက်တွေထဲ စိတ်နှစ်ထား တွေဟာ
ခဏိကသမာဓိပါဘဲ၊ ဒါပေမယ့် အကုသိုလ် နေရာမှာတည်တဲ့ သမာဓိမို့ မိစ္ဆာသမာဓိလို့ခေါ်ရမှာပေါ့ သမာဓိထဲမှာ ခဏိကသမာဓိဟာ အားအသေး
ဆုံးပါဘဲ ဒါပေမယ့် ၀ိပဿနာပညာနဲ့ ယှဉ်ခွင့်ရလိုက်တဲ့ အခါမှာတော့ မဂ်ဉာဏ် ဖိုလ်ဉာဏ်ကိုတောင် ပေးနိင်တဲ့ သတ္တိရှိသွားတယ် မပဋာဟာ
တရားနာနေတဲ့တချိန်လုံး ဘာသမထ မှမလုပ်ပါဘူး အရင်ကလဲ မလုပ်ခဲ့ဘူးပါဘူး ဒါကြောင့်သူ့မှာ ဥပစာရသမာဓိ ၊အပ္ပနာသမာဓိ နှစ်မျိုးလုံး သူ့
မှာမရှိပါဘူး ဒါဆိုဘာသမာဓိ ရှိလဲဆိုရင် ခဏိကသမာဓိ ဘဲရှိပါတယ် အဲဒီ ခဏိကသမာဓိဟာ ၀ိပဿနာပညာ နဲ့ယှဉ်ခွင့်ရလိုက် တာကြောင့် တရားပွဲ အဆုံးမှာ မပဋာဟာ သောတာပတ္တိမဂ် ကိုရသွားတာပါ။
“ ဤ၀ိပဿနာ အလုပ်သည် သမထမလုပ်ကဲ့သို့ ဆိတ်ငြိမ်ရာကြီးကို ရမှသာပြီးစီး နိင်သည်မဟုတ် ပါရမီဉာဏ် သည်သာ ပဓာနတည်း၊ ပါရမီဉာဏ် ရှိခဲ့ပါမူ တရားနာရင်းနှင့်ပင် ပေါက်ရောက်၍ သွားတက်၏ ဃရာဝါသ ကိစ္စအတွင်းမှာပင် ပေါက်ရောက်နိင်၏၊အကြောင်းမူကာ ဉာဏ်ရှိ
သူတို့မှာ ကိုယ်တွင်း၊ ကိုယ်ပြင်၊ အိမ်တွင်း၊ အိမ်ပြင်၊ ရွာတွင်း၊ ရွာပြင်တွေ့သမျှသည် အနိစ္စ ဉာဏ်ပွားစီး ဖို့ချည်းသာတည်း။ ”
(၀ိပဿနာ ဒီပနီ - ၅၆)
ဘုရားရှင်ကိုယ်တော်တိုင် ဟောလို့ မပဋာ သောတာပန်ဖြစ်သည်ဟု ဆိုရင်ရပေမယ့် အထက်ကဆိုခဲ့သလို ခုဇ္ဇုတ္တရာ ကျွန်မတရားဟော တုန်းကလဲ သာမာဝတီ မိဖုရားနဲ့ မောင်းမငါးရာ သောတာပန်ဖြစ်သွားပါတယ်။
ဒါကြောင့်သူတော်ကောင်းတို့ အနေဖြင့်လည်း သောတာပန်ဖြစ်နိင်ရန် သစ္စာတရားကို များများနာကြား ဖတ်ရှု သင်ယူဖို့ နံပါတ်တစ် လုပ်ရပါမယ် ရှုမှတ်ပွားဖို့ကတော့ ဒုတိယ ဖြစ်သည်ကို မေတ္တာဖြင့် တင်ပြလိုက်ရပါတယ်။ (အရှင်ဇ၀နထံမှ တဆင့်ဖတ်ရှုတင်ပြပါသည်)
(၀ိဇ္ဇာစရဏသမ္ပတော)